മണ്ണാര്‍ക്കാട് : ചെര്‍പ്പുളശ്ശേരി ഉപജില്ലാ കലോത്സവത്തിനിടെ വേദി ഒന്നിലെ പന്തല്‍ തകര്‍ന്ന് വീണ് അപകടം. ഒരു വിദ്യാര്‍ഥിനി ഉള്‍പ്പടെ നാലുപേര്‍ക്ക് പരിക്കേറ്റു. ഇതില്‍ വിദ്യാര്‍ഥിനിയെ വട്ടമ്പലം മദര്‍കെയര്‍ ആശുപത്രിയിലും മറ്റുള്ളവരെ നാട്ടുകല്‍ കുടും ബ ആരോഗ്യകേന്ദ്രത്തിലും പ്രവേശിപ്പിച്ചു. ആരുടേയും പരിക്ക് ഗുരുതരമല്ല. ഇന്ന് ഉച്ച യ്ക്ക് രണ്ട് മണിയോടെയായിരുന്നു സംഭവം. ഉപജില്ലാ കലോത്സവം നടക്കുന്ന കുണ്ടൂര്‍ കുന്ന് ടിഎസ്എന്‍എം സ്‌കൂളില്‍ മൈതാനത്തൊരുക്കിയ പന്തലാണ് നിലംപതിച്ചത്. ഉച്ചഭക്ഷണസമയമായതിനാല്‍ പന്തലിലെ ഇരിപ്പിടങ്ങളില്‍ ആളുകള്‍ കുറവായിരുന്നു. കലോത്സവ സംഘാടകരും പൊലിസും ട്രോമാകെയര്‍ യൂണിറ്റ് അംഗങ്ങളും നാട്ടുകാരും ചേര്‍ന്ന് പന്തല്‍ഉയര്‍ത്തി പരിക്കേറ്റവരെ ആശുപത്രിയില്‍ എത്തിക്കുകയായിരുന്നു.
