വെട്ടത്തൂര്‍: ഗവ. ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ്. യൂണിറ്റ് മലപ്പുറം ജില്ലാ ട്രോമാകെയര്‍ മേലാറ്റൂര്‍ സ്‌റ്റേഷന്‍ യൂണിറ്റിന്റെ സഹകരണത്തോടെ വിദ്യാര്‍ഥികള്‍ ക്കായി ട്രോമാകെയര്‍ പരിശീലനം സംഘടിപ്പിച്ചു. അടിയന്തര സാഹചര്യങ്ങളെ അഭി മുഖീകരിക്കാന്‍ വിദ്യാര്‍ത്ഥികളെ പ്രാപ്തരാക്കുക, അപകടങ്ങളും അത്യാഹിതങ്ങളും സംഭവിക്കുമ്പോള്‍ സ്വീകരിക്കേണ്ട പ്രഥമ ശുശ്രൂഷാപാഠങ്ങള്‍ പകര്‍ന്നു നല്‍കുക, വിദ്യാര്‍ത്ഥികളുടെ കര്‍മ്മശേഷിയെ സമൂഹനന്മക്കായി പ്രയോജനപ്പെടുത്തുക എന്നീ ലക്ഷ്യങ്ങളോടെയായിരുന്നു പരിശീലനം. ഗ്രാമ പഞ്ചായത്ത് അംഗം കെ.പി അബ്ദുല്‍ ജലീല്‍ ഉദ്ഘാടനം ചെയ്തു. മലപ്പുറം ജില്ലാ ട്രോമാകെയര്‍ ട്രെയിനര്‍ മന്‍സൂര്‍ പട്ടിക്കാട് പരിശീലനത്തിന് നേതൃത്വം നല്‍കി. എന്‍.എസ്.എസ് പ്രോഗ്രാം ഓഫിസര്‍ ഒ.മുഹമ്മദ് അന്‍വര്‍, ലീഡര്‍മാരായ മുഹമ്മദ് അസ്ലം, ഫാത്തിമത്ത് ശര്‍മിനാസ്, ലിഖിത സുരേഷ്, മുഹമ്മദ് സുദൈസ്, മുഹമ്മദ് ഹനസ്, ഷാസിയ മോള്‍, ഷിംല ഷെറിന്‍ തുടങ്ങിയവര്‍ പങ്കെടുത്തു.
