മണ്ണാര്‍ക്കാട് : 2024-2025 സീസണ്‍ അഖിലേന്ത്യാ സെവന്‍സ് ഫുട്‌ബോള്‍ ടൂര്‍ണ്ണമെന്റ് 2025 ജനുവരിരണ്ടാം വാരത്തില്‍ മുബാസ് മൈതാനത്ത് ആരംഭിക്കാന്‍ മണ്ണാര്‍ക്കാട് ഫുട്‌ ബോള്‍ അസോസിയേഷന്‍ ജനറല്‍ ബോഡിയോഗം തീരുമാനിച്ചു. ഫായിദ കണ്‍വെന്‍ ഷന്‍ സെന്ററില്‍ ചേര്‍ന്ന യോഗം മുല്ലാസ് ഗ്രൂപ്പ് മാനേജിംഗ് ഡയറക്ടര്‍ ഷാജി മുല്ലപ്പള്ളി ഉദ്ഘാടനം ചെയ്തു. ദേശീയ – സംസ്ഥാന തലങ്ങളില്‍ വിവിധ ജൂനിയര്‍ ടീമുകളില്‍ ഇടം നേടിയ മണ്ണാര്‍ക്കാട്ടും പരിസരത്തുമുള്ള ഫുട്‌ബോള്‍ താരങ്ങളെ യോഗത്തില്‍ എം. എഫ്.എ. രക്ഷാധികാരി ടി.കെ അബൂബക്കര്‍ ബാവി അനുമോദിച്ചു. പ്രസിഡന്റ് മുഹ മ്മദ് ചെറൂട്ടി അധ്യക്ഷനായി. ജനറല്‍ സെക്രട്ടറി ഫിറോസ് ബാബു, ട്രഷറര്‍ എം.സലീം, ഭാരവാഹികളായ ഇബ്രാഹിം ഡിലൈറ്റ്, ഫിഫ മുഹമ്മദ് അലി, കെ.പി അക്ബര്‍, ഫുട്‌ ബോള്‍ കോച്ച് കുഞ്ഞലവി മാസ്റ്റര്‍ എന്നിവര്‍ സംസാരിച്ചു.
