തച്ചനാട്ടുകര: വയോജന ദിനാചരണത്തിന്റെ ഭാഗമായി നിങ്ങള്‍ക്കൊപ്പം ഞങ്ങളും, ഞങ്ങള്‍ക്ക് തണലായ് നിങ്ങളും എന്ന സന്ദേശവുമായി തച്ചനാട്ടുകര ഗ്രാമപഞ്ചായത്തും, കുടുംബാരോഗ്യ കേന്ദ്രവും സംയുക്തമായി നടത്തിയ കാരണവര്‍കൂട്ടം ഗ്രാമ പഞ്ചായ ത്ത് പ്രസിഡന്റ് കെ.പി.എം സലിം ഉദ്ഘാടനം ചെയ്തു. വൈസ് പ്രസിഡന്റ് പാര്‍വതി ഹരിദാസ് അധ്യക്ഷയായിരുന്നു. സ്ഥിരം സമിതി അധ്യക്ഷന്‍ സി.പി.സുബൈര്‍ മുഖ്യാ തിഥിയായിരുന്നു. കൗണ്‍സിലറും, നാഷണല്‍ ട്രൈയിനറുമായ ഡോ.എ.കെ ഹരിദാസ് മുഖ്യപ്രഭാഷണം നടത്തി. മെമ്പര്‍മാരായ എ.കെ വിനോദ്, എ.ആറ്റ ബീവി, സി.പി ജയ, എം.രമണി സംസാരിച്ചു. ജൂനിയര്‍ ഹെല്‍ത്ത് ഇന്‍സ്‌പെക്ടര്‍ ഹസീന, എം.എല്‍.എസ്പി. ജീവനക്കാരായ സൗമ്യ, വി.ഹുസ്‌ന, ലിറ്റി തുടങ്ങിയവര്‍ നേതൃത്വം നല്‍കി. ഹെല്‍ത്ത് ഇന്‍സ്‌പെക്ടര്‍ ബാലകൃഷ്ണന്‍ സ്വാഗതവും, ജൂനിയര്‍ ഹെല്‍ത്ത് ഇന്‍സ്‌പെക്ടര്‍ എ.പ്രിയന്‍ നന്ദിയും പറഞ്ഞു.
