അലനല്ലൂര്‍ : കെ.എന്‍.എം. എടത്തനാട്ടുകര നോര്‍ത്ത് മദ്‌റസ സര്‍ഗമേളയില്‍ നൂറുല്‍ ഹുദാ കാപ്പുപറമ്പ് മദ്‌റസ 478 പോയിന്റ് നേടി ജേതാക്കളായി. ദാറുസ്സലാം വട്ടവണ്ണപ്പുറം 445 പോയിന്റ് നേടി രണ്ടാം സ്ഥാനത്തും നൂറുല്‍ ഹിദായ ഉപ്പുകുളം 440 പോയിന്റോടെ മൂന്നാം സ്ഥാനവും നേടി. കിഡ്‌സ് വിഭാഗത്തില്‍ ഒ.ഐറിന്‍ ( കാപ്പുപറമ്പ് ) സബ് ജൂനി യര്‍ വിഭാഗത്തില്‍ ഇമ്രാന്‍ ( ഉപ്പുകുളം ) , ജൂനിയര്‍ വിഭാഗത്തില്‍ ടി. ജന്ന ( ഉപ്പുകുളം ) സീനിയര്‍ ബോയ്‌സില്‍ ബിശാര്‍ ( ദാറുസ്സലാം ) , സീനിയര്‍ ഗേള്‍സില്‍ ഫാത്തിമ ഫിദ( ദാറുസ്സലാം ) തുടങ്ങിവര്‍ വ്യക്തിഗത ചാമ്പ്യന്‍ഷിപ്പിന് അര്‍ഹരായി. മണ്ഡലത്തിലെ 10 മദ്‌റസകളില്‍ നിന്നായി നാന്നൂറോളം വിദ്യാര്‍ഥികള്‍ വിവിധ മത്സരങ്ങളില്‍ പങ്കെടു ത്തു. എടപ്പറ്റ ഗ്രാമപഞ്ചായത്ത് പ്രസിഡന്റ് കബീര്‍ മാസ്റ്റര്‍ ഉദ്ഘാടനം ചെയ്തു. മദ്‌റസ കോംപ്ലക്‌സ് പ്രസിഡന്റ് അമീര്‍ സ്വലാഹി അധ്യക്ഷനായി. കോംപ്ലക്‌സ് സെക്രട്ടറി ഫജാസ് സ്വലാഹി, വാര്‍ഡ് മെമ്പര്‍ സരിത, ടി.പി റഫീഖ് മാസ്റ്റര്‍, കറുക്കന്‍ബാപ്പുട്ടി ഹാജി, എടത്തനാട്ടുകര നോര്‍ത്ത് പ്രസിഡന്റ് മൂസ ഹാജി ,സുബൈര്‍ മാസ്റ്റര്‍, എം. എസ്.എം. എടത്തനാട്ടുകര നോര്‍ത്ത് സെക്രട്ടറി ഫായിസ് സ്വലാഹി, കോംപ്ലക്‌സ് ട്രഷറര്‍ ഉനൈസ് ഫാറൂഖി എന്നിവര്‍ സംസാരിച്ചു. കെ.വി അബൂബക്കര്‍ മൗലവി, പാറോക്കോട്ട് മമ്മി ഹാജി, കെ. ബാപ്പുട്ടി ഹാജി, കെ.എന്‍.എം. എഡ്യൂക്കേഷന്‍ ബോര്‍ഡ് മെമ്പര്‍ ഉസ്മാന്‍ മിഷ്‌ക്കാത്തി, ഹാരിസ് ചേരിയത്ത്, അക്ബര്‍ സ്വലാഹി, അബ്ദുല്‍ റഹൂഫ് , മുനീര്‍ സ്വലാഹി എന്നിവര്‍ പങ്കെടുത്തു.
