അലനല്ലൂര്‍ : വെള്ളിയാര്‍ പുഴയില്‍ വ്യാപകമായി കോഴി മാലിന്യം തള്ളുന്നതായി പരാ തി. പുഴയില്‍ അനുദിനം ഒഴുകി വരുന്ന മാലിന്യത്തിന്റെ അളവ് കൂടി വരികയാണെന്ന് നാട്ടുകാര്‍ പറയുന്നു.നിലവില്‍ പുഴവെള്ളം ദുര്‍ഗന്ധം വമിക്കുന്ന അവസ്ഥയിലാണ്. ആയിരങ്ങള്‍ കുടിവെള്ളം ഉപയോഗിക്കുന്ന പൂക്കാടഞ്ചേരി കുടിവെള്ള പദ്ധതിയുടെ ഭാഗത്തും കോഴി മാലിന്യം അടിഞ്ഞുകൂടിയിട്ടുണ്ട്. മാലിന്യം പക്ഷികള്‍ കൊത്തി സമീപ വീടുകളുടെ കിണറുകളും മലിനമാക്കുന്നതായും ആക്ഷേപമുണ്ട്. പഞ്ചായത്തി നും ആരോഗ്യവകുപ്പിനും പരാതി നല്‍കുമെന്നും വാര്‍ഡ് മെമ്പര്‍ ലൈല ഷാജഹാന്‍ അറിയിച്ചു.
