ഒറ്റപ്പാലം : വേങ്ങശ്ശേരി എന്‍.എസ്.എസ്. ഹൈസ്‌ക്കൂളിലെ സ്‌കൂള്‍ കലോത്സവം ‘പലമ’ യുടെ ഉദ്ഘാടനം പൂര്‍വ്വ വിദ്യാര്‍ത്ഥിയും നബാര്‍ഡ് റിട്ട.ജനറല്‍ മാനേജരുമായ ഡോ.ടി. വിലാസ ചന്ദ്രന്‍ നിര്‍വ്വഹിച്ചു. സ്‌ക്കൂള്‍ ഡിജിറ്റല്‍ പത്രം ‘തൂലിക’ ജൂലൈ ലക്കം നബാര്‍ ഡ് റിട്ട. ഡെപ്യൂട്ടി ജനറല്‍ മാനേജര്‍ കെ. ഉഷ പ്രകാശനം ചെയ്തു.പി.ടി.എ. പ്രസിഡന്റ് കെ.ഷിജി അധ്യക്ഷയായി. എന്‍.എസ്.എസ് ഒറ്റപ്പാലം താലൂക്ക് യൂണിയന്‍ വൈസ് പ്രസിഡന്റ് എം.മോഹനന്‍ മാസ്റ്റര്‍ മുഖ്യാതിഥിയായിരുന്നു. പ്രധാന അധ്യാപകന്‍ എം. ശശികുമാര്‍, വേങ്ങശ്ശേരി സൗഹൃദ കൂട്ടായ്മ പ്രസിഡന്റ് ടി.വിജയനുണ്ണി, എം.പി.ടി .എ. പ്രസിഡന്റ് എന്‍.സുജിത, സീനിയര്‍ അസിസ്റ്റന്റ് കെ.കെ രത്നകുമാരി, സ്‌കൂള്‍ ലീഡര്‍ കെ.വി അഭിനവ് കൃഷ്ണ, സ്റ്റാഫ് സെക്രട്ടറി കെ.അജിത് തമ്പാന്‍ എന്നിവര്‍ സംസാരിച്ചു.
