പാലക്കാട് : കടമ്പഴിപ്പുറത്ത് കാറിലെത്തിയ സംഘം യുവാക്കളെ വെട്ടിപ്പരിക്കേല്‍ പ്പിച്ചു. കടമ്പഴിപ്പുറം സ്വദേശികളായ ടോണി, പ്രസാദ് എന്നിവര്‍ക്കാണ് വെട്ടേറ്റത്. സുഹൃത്തുക്കളായ ഇരുവരും സ്‌കൂട്ടറില്‍ സഞ്ചരിക്കുന്നതിനിടെ കാറിലെത്തിയ സംഘം തടഞ്ഞുനിര്‍ത്തി ആക്രമിച്ചതായാണ് വിവരം. ഇന്ന് പുലര്‍ച്ചെയോടെയാ യിരുന്നു സംഭവം. കടമ്പഴിപ്പുറത്ത് നിന്ന് വെങ്ങശ്ശേരിയിലേക്ക് പോവുകയായിരുന്നു ടോണിയും പ്രസാദും. ഇതിനിടെയാണ് കാറിലെത്തിയ സംഘം ആക്രമിച്ചത്. പരിക്കേറ്റ ടോണിയെ പിന്നീട് തൃശ്ശൂര്‍ മെഡിക്കല്‍ കോളജ് ആശുപത്രിയിലേക്ക് മാറ്റി. സംഭവ ത്തില്‍ ശ്രീകൃഷ്ണപുരം പൊലിസ് അന്വേഷണം ആരംഭിച്ചു.
