തച്ചമ്പാറ: ജനകീയാസൂത്രണ പദ്ധതിയിലുള്‍പ്പെടുത്തി തച്ചമ്പാറ ഗ്രാമ പഞ്ചായത്ത് ദേശബന്ധു ഹയര്‍ സെക്കന്‍ഡറി സ്‌കൂളില്‍ ശുചിമുറികള്‍ നിര്‍മിച്ചുനല്‍കി. ഗ്രാമ പഞ്ചായത്ത് പ്രസിഡന്റ് ഒ.നരായണന്‍കുട്ടി താക്കോല്‍ സ്‌കൂള്‍ മാനേജര്‍ വത്സന്‍ മഠത്തിലിന് കൈമാറി. എ.പി.ജെ. അബ്ദുള്‍ കലാം ഹാളില്‍ നടന്ന ചടങ്ങില്‍ പി.ടി.എ. വൈസ് പ്രസിഡന്റ് നൗഷാദ് അധ്യക്ഷനായി. ഗ്രാമ പഞ്ചായത്ത് വൈസ് പ്രസിഡന്റ് രാജി ജോണി, വാര്‍ഡ് മെമ്പര്‍ ബിന്ദു കുഞ്ഞിരാമന്‍, തനൂജ, മല്ലിക, പ്രിന്‍സിപ്പല്‍ സ്മിത. പി.അയ്യങ്കുളം, പ്രധാന അധ്യാപിക ബ്രൈറ്റി തുടങ്ങിയവര്‍ സംസാരിച്ചു.
