അലനല്ലൂര്‍: എടത്തനാട്ടുകര ജി.ഒ.എച്ച്.എസ്സില്‍ വൈവിധ്യമാര്‍ന്ന പരിസ്ഥിതി ദിന പ്രവര്‍ത്തനങ്ങള്‍ക്ക് തുടക്കമായി. സ്‌കൂളിലെ സഹ്യാദ്രി പരിസ്ഥിതി ക്ലബ്ബിന്റെ നേ തൃത്വത്തില്‍ സ്‌കൂള്‍വളപ്പില്‍ നാട്ടുമാവ് നട്ട് പരിസ്ഥിതി പ്രവര്‍ത്തനങ്ങള്‍ ആരംഭിച്ചു. പ്രധാനാധ്യാപകന്‍ പി.റഹ്മത്ത് പദ്ധതി ഉദ്ഘാടനം ചെയ്തു. സീനിയര്‍ അസിസ്റ്റന്റ് സി. മുഹമ്മദ് മുസ്തഫ അധ്യക്ഷനായി. സ്‌കൂളിലെ മുഴുവന്‍ കുട്ടികളെയും ഉള്‍ക്കൊള്ളിച്ചു പരിസ്ഥിതി ദിന ക്വിസ് മത്സരം, പോസ്റ്റര്‍ രചനാ മത്സരം, ചിത്ര രചന മത്സരം എന്നി വയും സംഘടിപ്പിക്കും. സ്റ്റാഫ് സെക്രട്ടറി വി.പി.അബൂബക്കര്‍, സഹ്യാദ്രി പരിസ്ഥിതി ക്ലബ് കണ്‍വീനര്‍ കെ.ജി. സുനീഷ്, അധ്യാപകരായ പി.ദിലീപ്, പി. അബ്ദുസ്സലാം, എം. ജിജേഷ്, കെ. ഹംസക്കുട്ടി സലഫി, വിദ്യാര്‍ഥികളായ എം.പി. ശ്വേത, കെ.ഫൈഹ ഫിറോസ്, എം.അയന, വി.റിയ, എ.അജ്‌വദ്, പി.അഭിലാഷ് എന്നിവര്‍ നേതൃത്വം നല്‍കി.
