മണ്ണാര്‍ക്കാട് : വേനല്‍ ശക്തമായ സാഹചര്യത്തില്‍ പക്ഷി ജീവജാല ങ്ങള്‍ക്ക് കുടി നീര് ലഭ്യമാക്കി എം.എസ്എഫ് നടത്തുന്ന പറവകള്‍ ക്കൊരു നീര്‍ക്കുടം മണ്ണാര്‍ക്കാട് നിയോജക മണ്ഡലത്തില്‍ തുടക്കമായി. നിയോജക മണ്ഡലം തല ഉദ്ഘാടനം ഡോ കമ്മാപ്പ നിര്‍വ്വഹിച്ചു. എം.എസ്.എഫ് നിയോജക മണ്ഡലം പ്രസിഡണ്ട് മനാഫ് കോട്ടോപ്പാടം അധ്യക്ഷത വഹിച്ചു. ജനറല്‍ സെക്രട്ടറി സജീര്‍ ചങ്ങലീരി, ജില്ലാ എം.എസ്എഫ് വൈസ്. പ്രസിഡണ്ട് അജ്മല്‍ റാഫി, സെക്രട്ടറി ഹംസ കെ.യു, നിയോജക മണ്ഡലം ഭാരവാഹികളായ ആഷിദ് മണ്ണാര്‍ക്കാട്, അഫ്‌ലഹ് കെ.പി, ഉനൈസ് എ, ഷെമിത്ത് പള്ളിക്കുന്ന്, സൈഫുദ്ദീന്‍, ആദില്‍, ഫവാസ് തുടങ്ങിയവര്‍ സംബന്ധിച്ചു.