കോട്ടോപ്പാടം :ഗ്രാമ പഞ്ചായത്ത് പ്രദേശത്തെ എസ്.എസ്.എല്‍.സി, പ്ലസ്ടു പരീക്ഷയില്‍ സമ്പൂര്‍ണ എപ്ലസ് ലഭിച്ച വിദ്യാര്‍ഥികളെ ഗ്രാമ പഞ്ചായത്തിന്റെ നേതൃത്വത്തില്‍ അനുമോദിച്ചു. കോട്ടോപ്പാടം സ്‌കൂളില്‍ നടന്ന അനുമോദന സദസ് എന്‍ ഷംസുദ്ദീന്‍ എം.എല്‍.എ ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡന്റ് ജസീന അക്കര അധ്യക്ഷയായി. വൈസ് പ്രസിഡന്റ് ശശി കുമാര്‍ ഭീമനാട്, അരിയൂര്‍ ബാങ്ക് പ്രസിഡന്റ് പാറശ്ശേരി ഹസ്സന്‍, സ്ഥിരം സമിതി ചെയര്‍പേഴ്‌സണ്‍മാരായ റജീന കോഴിശ്ശേരി, റഫീന മുത്തനില്‍, പാറയില്‍ മുഹമ്മദാലി, സ്‌കൂള്‍ പ്രിന്‍സിപ്പല്‍ സാദിഖ്, മെമ്പര്‍മാരായ നിജോ വര്‍ഗീസ്, കെ.ഹംസ, കെ.വിനീത, റുബീന.സി, സരോജിനി.പി, സി.കെ സുബൈര്‍, എന്‍. അബൂബക്കര്‍, നാസര്‍.ഒ, കെ.ടി അബ്ദുല്ല, റഷീദ. പി, ഇര്‍ഷാദ്. ഒ, ഹെഡ് ക്ലര്‍ക്ക് ഷബീറലി എന്നിവര്‍ പങ്കെടുത്തു.
