മണ്ണാര്‍ക്കാട്: എക്സൈസിന്റെ വാഹനപരിശോധനയില്‍ വാഹനത്തില്‍ മദ്യം സൂ ക്ഷിച്ച് വില്‍പ്പന നടത്തുകയായിരുന്ന ആളെ പിടികൂടി. മണ്ണാര്‍ക്കാട് അണ്ടിക്കുണ്ട് സ്വദേശി സുരേഷ്‌കുമാര്‍ (48)നെയാണ് മണ്ണാര്‍ക്കാട് എക്സൈസ് ഇന്‍സ്പെക്ടര്‍ വി.എ. വിനോജും സംഘവും അറസ്റ്റുചെയ്തത്. 10ലിറ്റര്‍ മദ്യവും കണ്ടെടുത്തു. മദ്യം കടത്താ നുപയോഗിച്ച സ്‌കൂട്ടറും കസ്റ്റഡിയിലെടുത്തു. ഇന്നലെ വൈകിട്ട് നാല് മണിയോടെ ആശുപത്രിപ്പടി ജങ്ഷനിലാണ് സംഭവം. അബ്കാരി ആക്ട് പ്രകാരം കേസ് രജിസ്റ്റര്‍ ചെയ്തു. പ്രിവന്റീവ് ഓഫീസര്‍ പി.കെ. കൃഷ്ണദാസ്, കെ.എസ്. പ്രവീണ്‍കുമാര്‍, എ.സി. ഹംസ, സി.ഇ.ഒമാരായ പ്രത്യുഷ്, അജിത, ഷീജ, ഡ്രൈവര്‍ അനീഷ് എന്നിവരും എക്സൈസ് സംഘത്തിലുണ്ടായിരുന്നു.
