കല്ലടിക്കോട് : ബി.ജെ.പി. സംസ്ഥാന പ്രസിഡന്റ് കെ.സുരേന്ദ്രന്‍ നയിക്കുന്ന കേരള പദയാത്രയ്ക്ക് മുന്നോടിയായി കരിമ്പയില്‍ ഉപയാത്ര നടത്തി. സംസ്ഥാന ജനറല്‍ സെക്രട്ടറി സി.കൃഷ്ണകുമാര്‍ നയിച്ച ഉപയാത്ര പള്ളിപ്പടിയില്‍ നിന്നും തുടങ്ങി തച്ചമ്പാ റയില്‍ സമാപിച്ചു. സംസ്ഥാന കമ്മിറ്റി അംഗം എ.സുകുമാരന്‍ പതാക കൈമാറി. മണ്ഡലം പ്രസിഡന്റ് പി.ജയരാജ് അധ്യക്ഷനായി. രവി അടിയത്ത്, ബിനചന്ദ്രകുമാര്‍, ഉഷാദേവി, ശോഭവന, തുടങ്ങിയവര്‍ പങ്കെടുത്തു. തച്ചമ്പാറയില്‍ നടന്ന പൊതുസമ്മേള നം ന്യൂനപക്ഷ മോര്‍ച്ച സംസ്ഥാന പ്രസിഡന്റ് ജിജി ജോസഫ് ഉദ്ഘാടനം ചെയ്തു. ബി.ജെ.പി.ജില്ലാ പ്രസിഡന്റ് കെ.എം.ഹരിദാസ്, ഒബിസി മോര്‍ച്ച സംസ്ഥാന അധ്യക്ഷന്‍ രാധാകൃഷ്ണന്‍, ന്യൂനപക്ഷ മോര്‍ച്ച ജില്ലാ അധ്യക്ഷന്‍ ഫിലിപ്പ് മാത്യു, സംസ്ഥാന കൗണ്‍സില്‍ അംഗം എം.പി.ശ്രീകുമാര്‍, ജനറല്‍ സെക്രട്ടറിമാരായ അനുപ് തൊട്ടിയില്‍, ഗോപാലകൃഷ്ണന്‍ തുടങ്ങിയവര്‍ പങ്കെടുത്തു.
