കോട്ടോപ്പാടം : വിദ്യാര്‍ഥികളുടെ പഠനമികവുകളുടെ തത്സമയ അവതരണമെല്ലാമായി തിരുവിഴാംകുന്ന് ഗവ.എല്‍.പി. സ്‌കൂളിലെ പഠനോത്സവം ശ്രദ്ധേയമായി. തിരുവിഴാം കുന്ന് സെന്ററില്‍ നടന്ന പരിപാടി കേരള വ്യാപാരി വ്യവസായി ഏകോപന സമിതി യൂണിറ്റ് പ്രസിഡന്റ് വാപ്പു ഉദ്ഘാടനം ചെയ്തു. പി.ടി.എ. പ്രസിഡന്റ് ഉമ്മര്‍ വയമ്പന്‍ അധ്യക്ഷനായി. പ്രധാന അധ്യാപകന്‍ എം.നാരായണന്‍, എസ്.എം.സി ഭാരവാഹി ദാ മോദരന്‍ നമ്പീശന്‍, ഏകോപന സമിതി യൂണിറ്റ് സെക്രട്ടറി ഷാജി, യൂത്ത് വിംങ് അംഗം ഹരി, പി.ടി.എ. വൈസ് പ്രസിഡന്റ് റഷീദ്, ആശ്രയ ചാരിറ്റബിള്‍ ട്രസ്റ്റ് പ്രസിഡന്റ് ജയരാജന്‍, മുന്‍ പി.ടി.എ. പ്രസിഡന്റ് നിയാസ് ബാബു, സ്റ്റാഫ് സെക്രട്ടറി ഗോവിന്ദന്‍ കുട്ടി തുടങ്ങിയവര്‍ സംസാരിച്ചു. അധ്യാപകരായ മുഹമ്മദ് സക്കീര്‍, ആസ്യ, സുജിഷ, ഷൈമ, നജ്മ, റാഷിദ ബിന്‍ത്ത്, അബ്ബാസ്, റാഷിദ, ഷംന എന്നിവര്‍ നേതൃത്വം നല്‍കി.
