പറളി: തീവണ്ടിയില്‍ നിന്ന് തമിഴ്‌നാട് സ്വദേശിക്ക് പരിക്കേറ്റു. സേലം സ്വദേശി പെരുമാ ളിനാണ് (70) പരിക്കേറ്റത്. ശനിയാഴ്ച വൈകിട്ട് ആറുമണിയോടെ കോയമ്പത്തൂര്‍ – ഷൊര്‍ ണൂര്‍ പാസഞ്ചര്‍ തീവണ്ടിയിലാണ് സംഭവം. തീവണ്ടി പറളി റെയില്‍വേ സ്റ്റേഷനില്‍ നിന്നും നീങ്ങിയ ഉടന്‍ മറുവശത്തെ ട്രാക്കിലേക്ക് ഇയാള്‍ വീഴുകയാണുണ്ടായതെന്ന് ദൃക്‌സാക്ഷികള്‍ പറഞ്ഞു. ഇതുകണ്ട മറ്റുയാത്രക്കാര്‍ ചങ്ങല വലിച്ച് തീവണ്ടി നിര്‍ത്തി ച്ചു. 21 മിനിറ്റ് താമസിച്ചാണ് തീവണ്ടി പിന്നീട് പുറപ്പെട്ടത്. പറളിയില്‍ താമസിച്ച് കന്നു കാലികച്ചവടം നടത്തുന്നയാളാണ് പെരുമാള്‍. സമീപത്തുള്ള സ്വകാര്യ ആശുപത്രിയില്‍ ചികിത്സ തേടി. സബ് ഇന്‍സ്‌പെക്ടര്‍ കെ.കെ.റഫീക്കിന്റെ നേതൃത്വത്തില്‍ മങ്കര പൊലിസ് സ്ഥലത്തെത്തിയിരുന്നു.
