മണ്ണാര്‍ക്കാട് : മണ്ണാര്‍ക്കാട് ട്രാഫിക്ക് പൊലിസ് സ്റ്റേഷനിലെ സീനിയര്‍ സിവില്‍ പൊ ലിസ് ഓഫിസര്‍ കെ.കെ.അമ്പിളി പവര്‍ലിഫ്റ്റിംഗില്‍ പൊലിസ് സേനയിലെ സ്‌ട്രോംങ് വിമന്‍ ആയി തിരഞ്ഞെടുക്കപ്പെട്ടു. ആലപ്പുഴയില്‍ വച്ച് നടന്ന നാല്‍പ്പത്തിയേഴാമത് സംസ്ഥാന പൊലിസ് വെയ്റ്റ് ലിഫ്റ്റിംഗ് -പവര്‍ ലിഫ്റ്റിംഗ് ചാംപ്യന്‍ഷിപ്പിലാണ് നേട്ടം. വെയ്റ്റ് ലിഫ്റ്റിംഗില്‍ ബെസ്റ്റ് ലിഫ്റ്ററെന്ന അംഗീകാരവുമുണ്ട്. കഴിഞ്ഞ മാസം കൊച്ചി യില്‍ നടന്ന അഞ്ചാമത് കേരള മാസ്റ്റേഴ്‌സ് ഗെയിംസില്‍ പവര്‍ലിഫ്റ്റിംഗില്‍ സ്വര്‍ണ മെഡല്‍ ലഭിച്ചിരുന്നു. നാല്‍പ്പത് വയസിന് മുകളിലുള്ളവരുടെ പവര്‍ലിഫ്റ്റിംഗ് മത്സ രത്തില്‍ 84 കിലോ വിഭാഗത്തില്‍ സ്വര്‍ണമെഡല്‍ നേടിയ അമ്പിളി ദേശീയമത്സ രത്തിലേക്കും യോഗ്യത നേടി. ഈ മാസം ഗോവയില്‍ വച്ച് നടക്കുന്ന ദേശീയമത്സരത്തി ല്‍ പങ്കെടുക്കാനുള്ള തയ്യാറെടുപ്പിലാണ് അമ്പിളി.
