മണ്ണാര്‍ക്കാട് : പാലക്കാട് – കോഴിക്കോട് ദേശീയപാതയില്‍ കൊമ്പം വളവില്‍ നിയന്ത്ര ണം വിട്ടകാര്‍ തലകീഴായി മറിഞ്ഞ് അപകടം. യാത്രക്കാര്‍ക്ക് പരിക്കേറ്റു. ചങ്ങലീരി മുട്ടിക്കല്‍ വീട്ടില്‍ അബ്ദുള്‍ റഹ്മാന്‍ (60), ഭാര്യ ഫാത്തിമ ബീവി (56) എന്നിവര്‍ക്കാണ് പരിക്കേറ്റത്. ഇന്ന് വൈകിട്ട് നാല് മണിയോടെയായിരുന്നു അപകടം. പെരിന്തല്‍മണ്ണ ഭാഗത്ത് നിന്നും മണ്ണാര്‍ക്കാട്ടേയ്ക്ക് വരികയായിരുന്നു കാര്‍. ഇതിനിടെ നിയന്ത്രണം വിട്ട വാഹനം പാതയോരത്തെ ചേരേങ്ങല്‍തൊടി മജീദിന്റെ മതില്‍തട്ടി സമീപത്തെ ചാലി ലേക്ക് മറിയുകയായിരുന്നു. ഓടിക്കൂടിയ നാട്ടുകാര്‍ രക്ഷാപ്രവര്‍ത്തനം നടത്തി. രക്ഷാ പ്രവര്‍ത്തനത്തിനിടെ പ്രദേശവാസിക്കും പരിക്കേറ്റു. കാര്‍യാത്രികരുടെ പരിക്ക് സാരമു ള്ളതല്ല. ഇവരെ വട്ടമ്പലത്തെ സ്വകാര്യ ആശുപത്രിയില്‍ പ്രവേശിപ്പിച്ചു. പ്രാഥമിക ശുശ്രൂഷയ്ക്ക് ശേഷം ഇവര്‍ ആശുപത്രി വിട്ടെന്ന് അധികൃതര്‍ അറിയിച്ചു. ദേശീയപാത യില്‍ കൊടക്കാട് കൊമ്പം ഭാഗങ്ങള്‍ അപകടകേന്ദ്രമായി മാറുകയാണ്. പരിഹാര നടപ ടികള്‍ വേണമെന്ന ആവശ്യം ശക്തമായിട്ടും ബന്ധപ്പെട്ട അധികൃതരുടെ ഭാഗത്ത് ഇതി നുള്ള നീക്കങ്ങളുണ്ടാകുന്നില്ല.
