കോട്ടോപ്പാടം : മാലിന്യമുക്തം നവകേരളം കാംപയിന്റെ ഭാഗമായി കോട്ടോപ്പാടം ഗ്രാമ പഞ്ചായത്തും തിരുവിഴാംകുന്ന് കോളജ് ഓഫ് ഏവിയന്‍ സയന്‍സ് ആന്‍ഡ് മാനേജ്‌മെ ന്റിലെ എന്‍.എസ്.എസ്. യൂണിറ്റും ചേര്‍ന്ന് ആര്യമ്പാവില്‍ സ്‌നേഹാരാമം ഒരുക്കി. ആര്യമ്പാവ് ബസ് കാത്തിരിപ്പ് കേന്ദ്രം ശുചീകരിച്ച് മോടിപിടിപ്പിച്ചു. പൂച്ചെടിചട്ടികളും വെച്ചു. ഗ്രാമ പഞ്ചായത്ത് പ്രസിഡന്റ് ജസീന അക്കര ഉദ്ഘാടനം ചെയ്തു. സ്ഥിരം സമിതി അധ്യക്ഷന്‍ പാറയില്‍ മുഹമ്മദാലി അധ്യക്ഷനായി. കോളജ് സ്‌പെഷ്യല്‍ ഓഫിസര്‍ ഡോ.എസ്.ഹരികൃഷ്ണന്‍, എന്‍.എസ്.എസ്. പ്രോഗ്രാം ഓഫിസര്‍ ഡോ.എസ്.പ്രസൂണ്‍, അധ്യാപകര്‍, വിദ്യാര്‍ഥികള്‍, ജീവനക്കാര്‍, തൊഴിലാളി പ്രതിനിധികള്‍ തുടങ്ങിയവര്‍ പങ്കെടുത്തു.
