മണ്ണാര്‍ക്കാട് : വീട്ടുവളപ്പിലെ കിണറില്‍ നായകുട്ടികളെ കൂട്ടത്തോടെ ചത്തനിലയില്‍ കണ്ടെത്തി. കാഞ്ഞിരപ്പുഴ കാഞ്ഞിരം ചെട്ടിപ്പള്ളിയാലില്‍ പെരുങ്ങോട്ടുകുര്‍ശ്ശി വിജയ ന്റെ വീട്ടിലെ കിണറിലാണ് നാല് നായക്കുട്ടികളുടെ ജഡം കണ്ടെത്തിയത്. വീടുപണി നടക്കുന്നതിനാല്‍ വിജയനും കുടുംബവും മറ്റൊരു വീട്ടിലാണ് താമസം. ആള്‍മറയുള്ള കിണറാണ്. ദുര്‍ഗന്ധം വമിച്ചതിനെ തുടര്‍ന്ന് അയല്‍വാസികള്‍ വിവരം അറിയിച്ചപ്ര കാരം വിജയനും കുടുംബവുമെത്തി പരിശോധിച്ചാണ് സംഭവം കാണുന്നത്. നായക്കുട്ടി കളുടെ ജഡം കിണറിലിട്ട് വെള്ളം മലിനമാക്കിയവര്‍ക്കെതിരെ നടപടി വേണമെന്ന് വീട്ടുകാര്‍ ആവശ്യപ്പെട്ടു. സംഭവത്തില്‍ പഞ്ചായത്ത്, ആരോഗ്യവകുപ്പ്, പൊലിസ് എന്നിവര്‍ക്ക് പരാതി നല്‍കിയിട്ടുണ്ട്.
