അലനല്ലൂര്‍ : ഗവ.വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ നടന്ന വിജയോ ത്സവം പരിപാടി എന്‍.ഷംസുദ്ദീന്‍ എം.എല്‍.എ ഉദ്ഘാടനം ചെയ്തു. കഴിഞ്ഞ അധ്യയന വര്‍ഷത്തില്‍ മികച്ച വിജയം കൈവരിച്ച വിദ്യാര്‍ഥികളേയും കലാ-കായിക-ശാസ്ത്ര-പ്രവര്‍ത്തി പരിചയമേളകളില്‍ വിജയം കൈവരിച്ചവരേയും എസ്.എസ്.എല്‍.സി പരീ ക്ഷയില്‍ സ്‌കൂളിന് നൂറ് ശതമാനം വിജയം കൈവരിക്കാനായി പ്രയത്‌നിച്ച അധ്യാപക രേയും അനുമോദിച്ചു. ജില്ലാ പഞ്ചായത്ത് അംഗം മെഹര്‍ബാന്‍ ടീച്ചര്‍ ഉദ്ഘാടനം ചെയ്തു. ബ്ലോക്ക് പഞ്ചായത്ത് അംഗം ബഷീര്‍ തെക്കന്‍, ബ്ലോക്ക് പഞ്ചായത്ത് അംഗവും പി.ടി.എ പ്രസിഡന്റുമായ വി.അബ്ദുല്‍ സലീം, വൈസ് പ്രസിഡന്റ് പി.നാസര്‍, മെമ്പര്‍ റഷീദ് ആലായന്‍, സുരേഷ്‌കുമാര്‍, നിയാസ് കൊങ്ങത്ത്, വി.എച്ച്.എസ്.ഇ പ്രിന്‍സിപ്പാള്‍ ഇന്‍ചാ ര്‍ജ് പി.ആര്‍.ഉഷ, ഡെപ്യുട്ടി പ്രധാന അധ്യാപകന്‍ കെ.എ.അബ്ദുമനാഫ്, സ്റ്റാഫ് സെക്രട്ടറി യൂസഫ് മാസ്റ്റര്‍, എസ്.കെ.കവിത ടീച്ചര്‍ എന്നിവര്‍ സംസാരിച്ചു. പ്രിന്‍സിപ്പാള്‍ എസ്. സുജിത്ത് സ്വാഗതവും സ്റ്റാഫ് സെക്രട്ടറി ബിജു ജോസ് നന്ദിയും പറഞ്ഞു.
