തൃത്താല : ചാലിശ്ശേരിയില്‍ ഫെബ്രുവരി 18, 19 തീയതികളില്‍ നടക്കുന്ന സംസ്ഥാനതല തദ്ദേശദിനാഘോഷത്തില്‍ നാടിനെയാകെ ആഘോഷത്തിമിര്‍പ്പിലാക്കാന്‍ പ്രൊജക്ട് മലബാറിക്കസ് ലൈവ് മ്യൂസിക് ഷോയുമായി പ്രശസ്ത ഗായിക സിതാര കൃഷ്ണകുമാറും സംഘവും എത്തും. ജനപ്രതിനിധികളുടെ സമ്മേളനത്തിന് തുടക്കമാവുന്ന 18 നാണ് പ്രൊജക്ട് മലബാറിക്കസ് അവതരിപ്പിക്കുന്നത്. ജനപ്രതിനിധികള്‍ക്കും പൊതുജനങ്ങള്‍ ക്കും ഒരു പോലെ ആസ്വദിയ്ക്കുന്നതിനായി പ്രദര്‍ശന-വിപണന-പുഷ്പ മേള നടക്കുന്ന മുല്ലയംപറമ്പ് മൈതാനിയില്‍ രാത്രി 8 മണിയ്ക്കാണ് മ്യൂസിക് ഷോ നടത്തുന്നത്. ഇന്ത്യ യ്ക്കകത്തും വിദേശ രാജ്യങ്ങളിലുമായി നിരവധി വേദികളില്‍ അവതരിപ്പിച്ചിട്ടുള്ള പ്രൊജക്ട് മലബാറിക്കസ് ദൃശ്യമാധ്യമങ്ങളിലൂടെയും ഇന്റര്‍നെറ്റിലൂടെയും ഏറെ പ്രശസ്തമായതാണ്.
ഫെബ്രുവരി 14 ന്
വൈകിട്ട് ആറിന് വെള്ളിയാങ്കല്ല് പൈതൃക പാര്‍ക്കില്‍ അലോഷി ആഡംസ് അവതരിപ്പിക്കുന്ന സംഗീതസായാഹ്നത്തോടെയാണ് കലാ-സാംസ്‌കാരിക പരിപാടികള്‍ക്ക് തുടക്കമാവുക. ‘അലോഷി പാടുന്നു’ എന്ന പേരിലുള്ള സംഗീത പരിപാടിയും ഓണ്‍ലൈന്‍ – നവ മാധ്യമ രംഗത്ത് വലിയ സ്വീകാര്യതയുള്ളതാണ്.
ഫെബ്രുവരി 15 ന്
വൈകിട്ട് ആറിന് വട്ടേനാട് ജി.എല്‍.പി. സ്‌കൂളില്‍ സമീര്‍ ബിന്‍സിയും ഇമാം മജ്ബൂറും അവതരിപ്പിക്കുന്ന സൂഫി സംഗീതം അരങ്ങേറും.
ഫെബ്രുവരി 16 ന്
രാവിലെ 10 ന് ഏകദിന ചിത്രകലാക്യാമ്പ് ചാലിശ്ശേരി മുല്ലയംപറമ്പ് ഗ്രൗണ്ടില്‍ ആരംഭിക്കും.
ഫെബ്രുവരി 16 മുതല്‍ 19 വരെ
മുല്ലയംപറമ്പ് ഗ്രൗണ്ടില്‍ നടക്കുന്ന പ്രദര്‍ശന വിപണന മേളയുടെ ഉദ്ഘാടനം വൈകിട്ട് മൂന്നിന് തദ്ദേശസ്വയംഭരണ-എക്‌സൈസ് വകുപ്പ് മന്ത്രി എം.ബി.രാജേഷ് നിര്‍വഹിക്കും. വൈകിട്ട് ആറിന് ലിറ്റല്‍ എര്‍ത്ത് സ്‌ക്കൂള്‍ ഓഫ് തിയ്യേറ്റര്‍ അവതരിപ്പിക്കുന്ന നാടകം ‘ക്ലാവര്‍ റാണി’ രാത്രി എട്ടിന് കൂറ്റനാട് ഫോക്ക് വോയ്‌സിന്റെ നാടന്‍പാട്ടുകള്‍ എന്നിവ ഉണ്ടായിരിക്കും
ഫെബ്രുവരി 17 ന്
വൈകിട്ട് ആറിന് കലാമണ്ഡലം പെരിങ്ങോട് ചന്ദ്രന്‍ നേതൃത്വം നല്‍കുന്ന 101 പേരുടെ പഞ്ചവാദ്യം രാത്രി എട്ടിന് ഞമനങ്ങോട് തിയേറ്റര്‍ അവതരിപ്പിക്കുന്ന നാടകം ‘പാട്ടബാക്കി’
ഫെബ്രുവരി 18 ന്
വൈകിട്ട് നാലിന് ചവിട്ടുകളി, അഞ്ചിന് മുരളീ മേനോന്റെ സിത്താര്‍ വാദനം, ആറിന് വയലി ബാംബു മ്യൂസിക് എന്നിവ അരങ്ങേറും. ബാംബൂ മ്യൂസികിന് ശേഷം സിതാര കൃഷ്ണകുമാറും സംഘവും പരിപാടി അവതരിപ്പിക്കും. സംസ്ഥാനതല തദ്ദേശദിനാഘോഷത്തിന്റെ ഭാഗമായി പാലക്കാട് ഡി.ടി.പി.സിയുടെ നേതൃത്വത്തില്‍ വെള്ളിയാങ്കല്ലില്‍ ഭാരതപ്പുഴയില്‍ ഫെബ്രുവരി 18,19 തീയ്യതികളില്‍ കയാക്കിംങ്ങ് ഫെസ്റ്റ്‌നടത്തുന്നുണ്ട്.
