കോട്ടോപ്പാടം: സാന്ത്വന പരിചരണത്തിന്റെ പ്രാധാന്യം വിദ്യാര്‍ത്ഥികളിലും,പൊതു സമൂഹത്തിലും എത്തിക്കുക എന്ന ലക്ഷ്യത്തോടെ എടത്തനാട്ടുകര പാലിയേറ്റീവ് കെയര്‍ സൊസൈറ്റിയും കോളേജ് ഓഫ് ഏവിയന്‍ സയന്‍സ് ആന്റ് മാനേജ്‌മെന്റ് സംയുക്തമായി പാലിയേറ്റീവ് കെയര്‍ ദിനാചരണം സംഘടിപ്പിച്ചു.തിരുവിഴാംകുന്ന് ടൗണില്‍ നടന്ന പാലിയേറ്റീവ് കെയര്‍ സന്ദേശ ലഘുലേഖ വിതരണവും വിഭവസമാഹ രണവും നടത്തി.കേരള വ്യാപാരി വ്യവസായി ഏകോപന സമിതി യൂണിറ്റ് പ്രസിഡന്റ് മുഹമ്മദ് ബാപ്പു ഉദ്ഘാടനം ചെയ്തു. പാലിയേറ്റീവ് പ്രതിനിധി എ മുഹമ്മദ് സക്കീര്‍ അധ്യക്ഷനായി.എന്‍.എസ്.എസ് പ്രോഗ്രാം ഓഫീസര്‍ ഡോ പ്രസൂണ്‍ എസ്, കോട്ടോപ്പാടം പഞ്ചായത്ത് അംഗം സലാം,എടത്തനാട്ടുകര പാലിയേറ്റീവ് കെയര്‍ സൊസൈറ്റി ജനറല്‍ സെക്രട്ടറി റഹീസ് എടത്തനാട്ടുകര,റിഷാദ് ഉമ്മര്‍,അസോസിയേറ്റ് രക്ഷാധികാരി ഡോ.അഭിന്‍ രാജ്,ഡോ. ജുനൈദ്,അര്‍സല്‍,ഷീജ,അനില,സഹല്‍,സുധീഷ്,ആഷിക് എന്നിവര്‍ സംസാരിച്ചു.
