എടത്തനാട്ടുകര: ഇടത് സര്‍ക്കാരിന്റെ ദുര്‍ഭരണത്തിനെതിരെ യൂത്ത് ലീഗ് സെക്ര ട്ടറിയേറ്റിലേക്ക് നടത്തിയ മാര്‍ച്ചിനു നേരെ ഉണ്ടായ പോലീസ് നടപടിയില്‍ പ്രതിഷേ ധിച്ച് മുസ്ലിം ലീഗ് എടത്തനാട്ടുകര മേഖലാ കമ്മിറ്റി കോട്ടപ്പള്ള ടൗണില്‍ പ്രതിഷേധ പ്രകടനം നടത്തി. മുസ്ലിം ലീഗ് ജില്ലാ പ്രവര്‍ത്തക സമിതി അംഗം എം.പി.എ ബക്കര്‍ മാസ്റ്റര്‍ ഉദ്ഘാടനം ചെയ്തു. മേഖലാ പ്രസിഡന്റ് പി.ഷാനവാസ് മാസ്റ്റര്‍ അധ്യക്ഷത വ ഹിച്ചു. ജനറല്‍ സെക്രട്ടറി കെ.ടി ഹംസപ്പ, മഠത്തൊടി അലി, അബ്ദു മാസ്റ്റര്‍ മറ്റത്തൂര്‍, നാണി പൂളക്കല്‍, ഹംസ പടുവന്‍പാടന്‍, ടി.പി മന്‍സൂര്‍ മാസ്റ്റര്‍, പി.അന്‍വര്‍ സാദത്ത്, പി.സുല്‍ഫീക്കര്‍ അലി, അക്ബര്‍ അലി പാറോക്കോട്ട്, സി.സക്കീര്‍, കരീം പടുകുണ്ടില്‍, കെ.പി ഉണ്ണീന്‍ ബാപ്പു, കെ.ടി ജഫീര്‍, നൗഷാദ് പുത്തന്‍ക്കോട്ട്, അഫ്‌സല്‍ കൊറ്റരായില്‍, മൂസ പുലയക്കളത്തില്‍ തുടങ്ങിയവര്‍ സംബന്ധിച്ചു.
