മണ്ണാര്‍ക്കാട്:അതിമാരക മയക്കുമരുന്നായ മെത്തലീന്‍ ഡയോക്‌സി മെത് ആംഫ്റ്റ മൈന്‍ (എംഡിഎംഎ)യുമായി യുവാവ് പൊലീസിന്റെ പിടിയിലായി.ചങ്ങലീരി മോ തിക്കല്‍ പാട്ടത്തില്‍ വീട്ടില്‍ സജയന്‍ (32) ആണ് അറസ്റ്റിലായത്.വെള്ളിയാഴ്ച രാത്രി പത്ത് മണിയോടെ ഒന്നാം മൈല്‍ ഭാഗത്ത് പൊലീസ് നടത്തിയ വാഹന പരിശോധന ക്കിടെയാണ് ബൈക്കില്‍ മയക്കുമരുന്നുമായി എത്തിയ ഇയാള്‍ പിടിയിലായത്.11.63 ഗ്രാം എംഡിഎംഎ കണ്ടെടുത്തു.ജില്ലാ പൊലീസ് മേധാവിക്ക് ലഭിച്ച രഹസ്യ വിവര ത്തിന്റെ അടിസ്ഥാനത്തില്‍ മണ്ണാര്‍ക്കാട് ഡിവൈഎസ്പിയുടെ നിര്‍ദേശാനുസരണം പാലക്കാട് ഡാന്‍സഫും ടീമും മണ്ണാര്‍ക്കാട് സിഐ ബോബിന്‍ മാത്യു,എസ് ഐ വി വേക്,സിപിഒമാരായ ദാമോദരന്‍,പ്രവീണ്‍,പ്രഭാകരന്‍ എന്നിവര്‍ ചേര്‍ന്നാണ് പരിശോ ധന നടത്തിയത്.ഇടയ്ക്കിടെ മണ്ണാര്‍ക്കാട് മേഖലയില്‍ മാരക മയക്കുമരുന്ന് പിടികൂ ടുന്നത് ഇത്തരം ലഹരി പദാര്‍ത്ഥങ്ങളുടെ ഉപയോഗം വര്‍ധിക്കുന്നുവെന്നതാണ് വെ ളിവാക്കുന്നത്.കഴിഞ്ഞ നാല് മാസത്തിനിടെ മൂന്നോളം യുവാക്കള്‍ എംഡിഎംഎയു മായി പൊലീസിന്റെ പിടിയിലായിരുന്നു.ലഹരി വിരുദ്ധ ബോധവല്‍ക്കരണ പരിപാ ടികളും മറ്റും കൊഴുക്കുമ്പോഴും ലഹരി കടത്ത് നിലയ്ക്കാതെ തുടരുന്നത് ആശങ്കയും വര്‍ധിപ്പിക്കുന്നുണ്ട്.
