മണ്ണാര്‍ക്കാട് : പ്രയാസവും ദുരിതവുമനുഭവിക്കുന്നവര്‍ക്ക് ആശ്വാസം പകരുന്ന എസ്. വൈ.എസിന്റെ സാന്ത്വന സേവന പ്രവര്‍ത്തനങ്ങള്‍ മാതൃകാപരവും പ്രോത്സാഹനാ ജനകവുമാണെന്ന് സമസ്ത കേന്ദ്ര മുശാവറ അംഗം കന്‍സുല്‍ഫുഖഹാ കൊമ്പം കെ. പി. മുഹമ്മദ് മുസ്ലിയാര്‍ അഭിപ്രായപ്പെട്ടു.
പള്ളിക്കുറുപ്പ് താജുല്‍ ഉലമാ നഗറില്‍ നടന്ന സാന്ത്വനകേന്ദ്രം പള്ളിക്കുറുപ്പ് സംഘടി പ്പിച്ച മതപ്രഭാഷണവും പ്രാര്‍ത്ഥനാ സംഗമവും ഉദ്ഘാടനം ചെയ്ത് സംസാരിക്കു യാ യിരുന്നു അദ്ദേഹം.സമൂഹത്തില്‍ കഷ്ടപ്പെടുന്നവരെ കണ്ടെത്തുന്നതിലും അവര്‍ക്ക് സഹായമേകുന്നതിലും ജാതി-മത വേര്‍തിരിവുകള്‍ പാടില്ലെന്നും തീവ്രവാദവും ഭീ കരവാദവും ലഹരിയും നമ്മില്‍ പിറവി കൊള്ളാന്‍ അനുവദിക്കരുതെന്നും അദ്ദേഹം കൂട്ടി ചേര്‍ത്തു. നിര്‍ദ്ധനരായ ആറ് കുടുംബങ്ങള്‍ക്കുള്ള ആട് വിതരണോദ്ഘാടനം നടത്തി.
ടി.കെ.ഉമര്‍ മുസ്ലിയാര്‍ അധ്യക്ഷനായി. പ്രാര്‍ത്ഥനാ മജ്‌ലിസിന് നൂറു സാദാത്ത് സയ്യിദ് അബ്ദുറഹ്മാന്‍ അല്‍ ബുഖാരി ബായാര്‍ നേതൃത്വം നല്‍കി. അബ്ദുസ്സമദ് സഖാഫി മായ നാട് മുഖ്യ പ്രഭാഷണവും നടത്തി.എസ്.വൈ.എസ് ജില്ലാ പ്രസിഡണ്ട് എം.എ.നാസര്‍ സഖാഫി, പി.പി.മുഹമ്മദ് കുട്ടി മാസ്റ്റര്‍,അബൂബക്കര്‍ ആവണക്കുന്ന്, അബ്ദുല്‍ ഖാദര്‍ ഖാസിമി, സുലൈമാന്‍ ഫൈസി, സിറാജ് സഖാഫി, ഇബ്രാഹിം സഖാഫി, അബ്ദുള്‍ നാസര്‍ മിസ് ബാഹി,അബ്ദുറശീദ് സഖാഫി, അബ്ദുല്‍ ഹകീം സഅദി, ഫള് ലുറഹ്മാന്‍ സഖാഫി, നവാസ് സഖാഫി, മുഹമ്മദലി മോതിക്കല്‍, അനസ് മുണ്ടംപോക്ക്, സിദ്ധീഖ് അല്‍മദനി, യൂസുഫ് അശ്‌റഫി തുടങ്ങിയവര്‍ സംബന്ധിച്ചു.
