കുമരംപുത്തൂര്‍: പഞ്ചായത്തിന്റെ നേതൃത്വത്തില്‍ നടത്തിയ അവധിക്കാല ഫുട്‌ബോ ള്‍ കോച്ചിംഗ് ക്യാമ്പിന് തിങ്കളാഴ്ച സമാപനമാകും.അഞ്ച് മുതല്‍ എട്ടാം ക്ലാസ് വരെയുള്ള വിദ്യാര്‍ത്ഥികള്‍ക്കായി 2022-23 വാര്‍ഷിക പദ്ധതിയിലുള്‍പ്പെടുത്തിയാണ് പരിശീലന ക്യാമ്പ് ഒരുക്കിയത്.ഡിസംബര്‍ 24ന് തുടങ്ങിയ ക്യാമ്പ് പള്ളിക്കുന്ന്,ചങ്ങലീരി എന്നിവട ങ്ങളിലെ പഞ്ചായത്ത് സ്റ്റേഡിയത്തിലാണ് നടന്നത്.സമാപനം തിങ്കളാഴ്ച രാവിലെ ഒമ്പത് മണിക്ക് ചങ്ങലീരി സിഎച്ച് സ്റ്റേഡിയത്തില്‍ ഗ്രാമ പഞ്ചായത്ത് പ്രസിഡന്റ് കെ കെ ലക്ഷ്മിക്കുട്ടി ഉദ്ഘാടനം ചെയ്യും.ജനപ്രതിനിധികള്‍,രാഷ്ട്രീയ,സാംസ്‌കാരിക,കായിക രംഗത്തെ പ്രമുഖര്‍ സംബന്ധിക്കും.
