മണ്ണാര്‍ക്കാട്: പതിമൂന്നാമത് പാലക്കാട് ജില്ലാ വടംവലി ചാമ്പ്യന്‍ഷിപ്പ് ഡിസംബര്‍ 24ന് വൈകീട്ട് ആറ് മണിക്ക് മണ്ണാര്‍ക്കാട് തെന്നാരി നവോദയ ക്ലബ്ബ് പരിസരത്ത് നടക്കും. ലഹരി വിരുദ്ധ കാമ്പയിനിന്റെ ഭാഗമായി നവോദയ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ്ബ് ജില്ലാ ടഗ് ഓഫ് വാര്‍ മെമ്പേഴ്‌സ് വെല്‍ഫെയര്‍ അസോസിയേഷന്റെ സഹകരണ ത്തോടെയാ ണ് മത്സരം സംഘടിപ്പിക്കുന്നത്.ക്ലബ്ബ് പരിസരത്ത് പ്രത്യേകം തയ്യാറാക്കിയ വടംവലി കോര്‍ട്ടില്‍ നാല്‍പ്പതോളം ടീമുകള്‍ പങ്കെടുക്കും.ഒന്നാം സമ്മാനം പതിനായി രം രൂപയും ട്രോഫിയും മുട്ടനാടുമാണ് സമ്മാനം.രണ്ടാം സമ്മാനം ഏഴായിരം രൂപയും ട്രോഫിയും പൂവന്‍കോഴിയുമാണ്.അര്‍ബണ്‍ ഗ്രാമീണ്‍ സൊസറ്റി ഗോള്‍ഡ് ലോണ്‍ ആ ണ് രണ്ടാം സമ്മാനം സ്‌പോണ്‍സര്‍ ചെയ്തിരിക്കുന്നത്.മൂന്നാം സമ്മാനം അയ്യായിരം രൂപയും ട്രോ ഫിയും നാലാം സ്മ്മാനം നാലായിരം രൂപയും ട്രോഫിയും അഞ്ച് മുതല്‍ എട്ടാം സ്ഥാനം വരെ രണ്ടായിരം രൂപയും ട്രോഫിയും ഒമ്പത് മുതല്‍ 16-ാം സ്ഥാനം വരെ ആയിരം രൂപ യും ട്രോഫിയുമാണ് സമ്മാനമായി ഏര്‍പ്പെടുത്തിയിട്ടുള്ളത്.
