അഗളി: അട്ടപ്പാടിയില്‍ ബൈക്കില്‍ കടത്തിയ മുപ്പത് കുപ്പി തമിഴ്‌നാട് മദ്യം എക്‌ സൈസ് പിടികൂടി.സംഭവവുമായി ബന്ധപ്പെട്ട് പുതൂര്‍ രംഗനാഥപുരം സ്വദേശി രാജപ്പന്‍ (44),ഭാര്യ മുത്തുലക്ഷ്മി (34) എന്നിവരെ അറസ്റ്റ് ചെയ്തു.ആനക്കട്ടി എക്‌സൈസ്ചെക്‌ പോസ്റ്റില്‍ പ്രിവ ന്റീവ് ഓഫീസര്‍ കെ വസന്തകുമാറിന്റെ നേതൃത്വത്തില്‍ അഗളി എക്‌സൈസ് റേഞ്ച് പാര്‍ട്ടിയും ചേര്‍ന്ന് നടത്തിയ വാഹന പരിശോധനക്കിടെയാണ് മദ്യക്കടത്ത് പിടികൂടി യത്.ബൈക്കും മദ്യവും കസ്റ്റഡിയിലെടുത്തു.180 മില്ലി ലിറ്ററി ന്റെ 30 കുപ്പികളാണ് കണ്ടെടുത്തത്.പ്രിവന്റീവ് ഓഫീസര്‍ (ഗ്രേഡ്) എം എ പ്രതീഷ്‌ കുമാര്‍,സിവില്‍ എക്‌ സൈസ് ഓഫീസര്‍മാരായ പി എസ് മനോജ്,ടി കെ ഭോജന്‍,അഗളി എക്‌സൈസ് റേഞ്ചി ലെ പ്രിവന്റീവ് ഓഫീസര്‍ ജെ ആര്‍ അജിത്,സിവില്‍ എക്‌സൈസ് ഓഫീസര്‍മാരായ ആര്‍ പ്രദീപ്,ഇ പ്രമോദ്,എ കെ രജീഷ്,വനിതാ വിസില്‍ എക്‌സൈസ് ഓഫീസര്‍ കെ പി അഖില എന്നിവരും പരിശോധനയില്‍ പങ്കെടുത്തു.
