കോട്ടോപ്പാടം: എസ്.കെ.എസ്.എസ്.എഫ് തിരുവിഴാംകുന്ന് ക്ലസ്റ്റര്‍ പ്രസിഡണ്ടായി ശാഫി ഫൈസി കൊന്നാരത്തിനെയും ജനറല്‍ സെക്രട്ടറിയായി ഹാരിസ് മാളിക്കുന്നിനെയും ട്രഷററായി മുജീബ് തിരുവിഴാംകുന്നിനെയും തെരഞ്ഞെടുത്തു. മാളിക്കുന്ന് ഹിദായ ത്തുല്‍ ഇസ്ലാം ഹയര്‍ സെക്കന്ററി മദ്രസയില്‍ ചേര്‍ന്ന ക്ലസ്റ്റര്‍ കൗണ്‍ സില്‍ യോഗത്തിലാണ് പുതിയ ഭാരവാഹികളെ തെരഞ്ഞെടുത്തത്. മാളിക്കുന്ന് മഹല്ല് ഖത്തീബ് മന്‍സൂര്‍ അലി ഉലൂമി ഉദ്ഘാടനം ചെയ്തു.ഹാരിസ് മാളിക്കുന്ന് അധ്യക്ഷനായി. എസ്.കെ. എസ്.എസ്. എഫ് പാലക്കാട് ജില്ല വൈസ് പ്രസിഡന്റ് ശമീര്‍ ഫൈസി, മേഖല പ്രസിഡന്റ് വി.ടി ഖാദര്‍ കാട്ടുകുളം, ജനറല്‍ സെക്രട്ടറി യാസിര്‍ അസ്ഹരി വടശ്ശേരിപ്പുറം സംസാരിച്ചു.റിട്ടേണിംഗ് ഓഫീസര്‍ അസ്ഹര്‍ മാസ്റ്റര്‍ കാട്ടുകുളം തെരഞ്ഞെടുപ്പ് നിയന്ത്രിച്ചു. നാസര്‍ ഫൈസി കാഞ്ഞിരംക്കുന്ന് ,ഉമ്മര്‍ തിരുവിഴാംക്കുന്ന്, ബഷീര്‍ പാറപ്പുറത്ത് സംബന്ധിച്ചു.ഷൗക്കത്ത് തിരുവിഴാംകുന്ന് സ്വാഗതവും ശാഫി ഫൈസി കൊന്നാരം നന്ദിയും പറഞ്ഞു.