കോട്ടോപ്പാടം: കുണ്ട്‌ലക്കാടില്‍ മെഗാ രക്തദാന ക്യാമ്പും ലഹരി വിരുദ്ധ ക്യാമ്പെയിനും നടന്നു.സൗപര്‍ണിക കൂട്ടായ്മ,സെന്റ് മേരീ സ് ഓര്‍ത്തഡോക്‌സ് പള്ളി,കോട്ടോപ്പാടം എന്‍എസ്എസ് യൂണിറ്റ്, സേവ് മണ്ണാര്‍ക്കാട്,ബ്ലഡ് ഡൊണേഴ്‌സ് കേരള താലൂക്ക് കമ്മിറ്റി എന്നിവര്‍ സംയുക്തമായി താലൂക്ക് ആശുപത്രി ബ്ലഡ് ബാങ്കിന്റെ സഹകരണത്തോടെയാണ് ക്യാമ്പ് സംഘടിപ്പിച്ചത്.എന്‍.ഷംസുദ്ദീന്‍ എംഎല്‍എ ഉദ്ഘാടനം ചെയ്തു.ഗ്രാമ പഞ്ചായത്ത് പ്രസിഡന്റ് അക്കര ജസീന അധ്യക്ഷയായി.ലഹരി വിരുദ്ധ ക്യാമ്പയിന്‍ പ്രഖ്യാപനം മണ്ണാര്‍ക്കാട് എസ് ഐ എം.സുനില്‍ നിര്‍വഹിച്ചു.ഗ്രാമ പഞ്ചായത്ത് അംഗങ്ങളായ കിളയില്‍ ഹംസ,റഫീന മുത്തനില്‍,നസീമ അയി നെല്ലി,വിനീത,നിജോ വര്‍ഗീസ്,ഫായിസ ടീച്ചര്‍,അരിയൂര്‍ ബാങ്ക് പ്രസിഡന്റ് ടി എ സിദ്ദീഖ്,സേവ് മണ്ണാര്‍ക്കാട് ചെയര്‍മാന്‍ ഫിറോസ് ബാബു,വ്യാപാരി പ്രതിനിധി സജി മാസ്റ്റര്‍,മെഡിക്കല്‍ ഓഫീസര്‍ ബിന്‍സി,കോട്ടോപ്പാടം സ്‌കൂള്‍ പ്രിന്‍സിപ്പല്‍ ജയശ്രീ,സാദിഖ് മാസ്റ്റര്‍,ഹമീദ് കൊമ്പത്ത്,സൗപര്‍ണിക പ്രതിനിധികളായ പറമ്പത്ത് മുഹമ്മദാലി,പിഎം മുസ്തഫ,എന്‍ പി ഖാസിം,സി പി നിഷാദ്, ടി ജുനൈസ്,സിദ്ദീഖ് പാറക്കോട്ടില്‍,സി പി ഇബ്രാഹിം,പെരുവണ്ട ശിഹാബ് തുടങ്ങിയവര്‍ സംസാരിച്ചു.സെന്റ് മേരീസ് പള്ളി വികാരി പി എസ് തോമസ് സ്വാഗതവും ബിഡികെ ജില്ലാ സെക്രട്ടറി അസ്ലം അച്ചു നന്ദിയും പറഞ്ഞു.
