അലനല്ലുര്‍:എടത്തനാട്ടുകര സെന്റ്.വില്യംസ് ഇടവക ഈ വര്‍ഷ ത്തെ ക്രിസ്തുമസ് കരോള്‍ കളക്ഷന്‍ പാലിയേറ്റീവ് പ്രവര്‍ത്തന ങ്ങള്‍ക്ക് നല്‍കി മാതൃകയായി. ക്രിസ്മസിന്റെ മഹത്തായ സന്ദേശം പൊതു ജനങ്ങളിലേക്ക് എത്തിക്കുക, പാലിയേറ്റീവ് പ്രവര്‍ത്ത നരംഗത്ത് ഇടവകയിലെ വിശ്വാസികളെ സജ്ജമാക്കുക, രോഗി പരിചരണം സ്വന്തം ബാധ്യതയാണെന്ന ഓരോ മനുഷ്യനെയും ബോധ്യപ്പെടുത്തുക, ഓരോ ആഘോഷങ്ങളും പങ്കുവെക്കലിന്റെ വലിയ സന്ദേശം ഉയര്‍ത്തിപ്പിടിക്കുക എന്ന ലക്ഷ്യത്തോടുകൂടി പള്ളി പൊതുയോഗം തീരുമാന തീരുമാനപ്രകാരമാണ് തുക കൈമാറിയത്. 77384 രൂപ ഇടവക പെരുന്നാള്‍ ദിനത്തില്‍ ചര്‍ച്ച് വികാരി ഫാദര്‍.ജസ്റ്റിന്‍ കോലം കണ്ണിയും,കൈക്കാരന്‍മാരായ ജോസ് അറമ്പാക്കല്‍, മനോജ് ഞര്‍ളക്കാട്ട് എന്നിവര്‍ ചേര്‍ന്ന് എടത്തനാട്ടുകര പാലിയേറ്റീവ് കെയര്‍ സൊസൈറ്റിയുടെ ചെയര്‍മാന്‍ റഷീദ് ചതുരാല സെക്രട്ടറി എ.മുഹമ്മദ് സക്കീര്‍ എന്നിവര്‍ക്ക് കൈമാറി. എടത്തനാട്ടുകര ക്ലിനിക് ഭാരവാഹികളായ വൈസ് ചെയര്‍മാന്‍ പത്മജന്‍.എം,ജോയിന്‍ സെക്രട്ടറി റഹീസ് എടത്തനാട്ടുകര മറ്റ് ക്ലിനിക് ഭാരവാഹികളായ ഗഫൂര്‍.സി,ഷമ്മീം കരുവള്ളി,എന്നിവര്‍ സംബന്ധിച്ചു