നാട്ടുകല്‍: മാരക മയക്കുമരുന്നുമായി യുവാവിനെ നാട്ടുകല്‍ പൊ ലീസ് അറസ്റ്റ് ചെയ്തു.തച്ചനാട്ടുകര സ്വദേശി പികെ മുഹമ്മദ് ഷമീം (25) ആണ് പിടിയിലായത്.1.60 ഗ്രാം എംഡിഎംഎ കണ്ടെടുത്തു. കഴിഞ്ഞ ദിവസം രാത്രി ഒമ്പതിന് പാലോട് അമ്പലം കുന്ന് ഭാഗത്ത് പട്രോളിങ് നടത്തുകയായിരുന്ന പൊലീസിനെ കണ്ട് ഓടാന്‍ ശ്രമിച്ച യുവാവിനെ പിന്തുടര്‍ന്ന് മല്‍പ്പിടിത്തത്തിലൂടെ പിടികൂടുകയായി രുന്നു.കയ്യിലുണ്ടായിരുന്ന ലഹരി മരുന്ന് പൊതികള്‍ യുവാവ് വലി ച്ചെറിഞ്ഞത് പൊലീസ് സംഘം കണ്ടെടുത്തു.നര്‍ക്കോട്ടിക് ഡ്രഗ് ആന്‍ഡ് സൈക്കോട്രോപ്പിക് വകുപ്പ് അനുസരിച്ചാണ് കേസെടുത്തി ട്ടുള്ളത്.എസ് ഐ കെ ആര്‍ ജസ്റ്റിന്‍,എഎസ്‌ഐ പികെ ബൈജു, പൊലീസുകാരായ മുഹമ്മദ് അനീസ്,ബി സജിത എന്നിവരാണ് പൊലീസ് സംഘത്തിലുണ്ടായിരുന്നത്.ഇയാളെ ജില്ലാ മജിസ്‌ട്രേറ്റിന് മുമ്പാകെ ഹാജരാക്കി.
