മണ്ണാര്‍ക്കാട്: ഓള്‍ കേരള പ്രൈവറ്റ് ബസ് ഓപ്പറേറ്റേഴ്‌സ് ഓര്‍ഗനൈ നേഷന്‍ മണ്ണാര്‍ക്കാട് യൂണിറ്റ് ജനറല്‍ ബോഡി യോഗവും പുതിയ ഭാരവാഹികളുടെ തിരഞ്ഞെടുപ്പും നടന്നു. സംസ്ഥാന ജനറല്‍ സെക്രട്ടറി ടി.ഗോപിനാഥന്‍ ഉദ്ഘാടനം ചെയ്തു. നിലവിലെ യൂണിറ്റ് പ്രസിഡന്റ് എ.എ. ഉസ്മാന്‍ അധ്യക്ഷത വഹിച്ചു. അംഗങ്ങളുടെ മക്ക ളില്‍ മികച്ച വിജയം കൈവരിച്ച വിദ്യാര്‍ത്ഥികളേയും സാഹിത്യ കാരന്‍ കെ.പി.എസ് പയ്യനെടം, എം.കെ.ഹരിദാസ് എന്നിവരെയും ആദരിച്ചു. സംസ്ഥാന വൈസ് പ്രസിഡന്റ് എന്‍. വിദ്യാദരന്‍, യൂണിറ്റ് ഭാരവാഹികളായ വേണുഗോപാല്‍, മജീദ് എന്നിവര്‍ സംസാരിച്ചു. പുതിയ യൂണിറ്റ് ഭാരവാഹികളായി മുഹമ്മദ് മാസ്റ്റര്‍ (പ്രസി), മുഹമ്മ ദാലി ഫിഫ (ജന: സെക്ര), എന്‍.എം. വര്‍ഗീസ് (ട്രഷ) എന്നിവരെ തിരഞ്ഞെടുത്തു.
