ഷോളയൂര്‍: അട്ടപ്പാടിയില്‍ കുടുബത്തോടൊപ്പം നടന്ന് പോകുന്ന തിനിടെ അതിഥി തൊഴിലാളി പാറമടയില്‍ വീണു മരിച്ചു.വെസ്റ്റ് ബംഗാള്‍ സ്വദേശി സുനില്‍ ദാസ് (35) ആണ് മരിച്ചത്.ഷോളയൂര്‍ വയലൂര്‍ റോഡില്‍ കൊടുങ്ങല്ലൂര്‍ ക്ഷേത്രത്തിന് സമീപത്തെ പഴയ ക്വാറിയിലെ വെള്ളക്കെട്ടില്‍ വീണായിരുന്നു മരണം.ഭാര്യയ്ക്കും മകനുമൊപ്പം നടന്ന് പോകുന്നതിനിടെ കാല്‍വഴുതി സുനില്‍ദാസ് പാറമടയിലേക്ക് വീഴുകയായിരുന്നുവത്രേ.ഷോളയൂര്‍ പൊലീസും മണ്ണാര്‍ക്കാട് നിന്നും അഗ്നിശന സേനയും നാട്ടുകാരും ചേര്‍ന്ന് നടത്തിയ സംയുക്ത തിരച്ചിലിലാണ് വൈകീട്ട് ആറു മണിയോടെ മൃതദേഹം കണ്ടെത്തിയത്.
