മണ്ണാര്‍ക്കാട്: പാലക്കാട്‌ ജില്ലയില്‍ തെങ്ങിനെ ആക്രമിക്കുന്ന വെ ള്ളീച്ചശല്യം ചിറ്റൂര്‍, പെരുമാട്ടി, കൊഴിഞ്ഞാമ്പാറ എന്നിവിടങ്ങളില്‍ വ്യാപിച്ച സാഹചര്യത്തില്‍ കര്‍ഷകര്‍ ജാഗ്രത പാലിക്കണമെന്ന് പട്ടാ മ്പി കൃഷിവിജ്ഞാന കേന്ദ്രം അധികൃതര്‍ അറിയിച്ചു. തൂവെള്ള നി റത്തില്‍ കാണപ്പെടുന്ന ഇത്തരം കീടങ്ങള്‍ ഇലയുടെ അടിയില്‍ വൃ ത്താകൃതിയിലോ അര്‍ദ്ധവൃത്താകൃതിയിലോ മുട്ടയിടുകയും വെ ള്ളപഞ്ഞി പോലുള്ള ആവരണംകൊണ്ട് മുട്ട മൂടുകയും ചെയ്യുന്നു. കൂടാതെ, തെങ്ങോലകളുടെ അടിഭാഗത്തിരുന്ന് നീരൂറ്റി കുടിക്കുക യും മധുരശ്രവം വിസര്‍ജ്ജിക്കുകയും ചെയ്യുന്നു. ഈ വിസര്‍ജ്യങ്ങ ളെ ആകര്‍ഷിച്ചു എത്തുന്ന കരിംപൂപ്പലുകള്‍ തെങ്ങോലകളില്‍ വ്യാപിക്കുന്നു. തല്‍ഫലമായി തെങ്ങോലകള്‍ കറുത്ത നിറത്തില്‍ കാണുകയും ഇത് പിന്നീട് പ്രകാശസംശ്ലേഷണത്തെ തടയുകയും വി ളവിനെ സാരമായി ബാധിക്കുകയും ചെയ്യും.
കീടനാശിനികള്‍ പൂര്‍ണമായും ഒഴിവാക്കി സംരക്ഷണ ജൈവ നി യന്ത്രണ മാര്‍ഗം വഴി കീടാക്രമണം കുറയ്ക്കാന്‍ സാധിക്കും. കീട ബാധയേറ്റ തൈകള്‍ മറ്റൊരു കൃഷി സ്ഥലത്തേക്ക് കൊണ്ടുപോകാ തെ പ്രത്യേകം ശ്രദ്ധിക്കണം. വെള്ളം ധാരാളമായി ലഭിക്കുന്ന പ്രദേ ശങ്ങളില്‍ പശ ചേര്‍ത്ത് വളരെ ശക്തിയോടുകൂടി വെള്ളം ഓലകളി ല്‍ സ്‌പ്രേ ചെയ്ത് കൊടുക്കുക വഴി കീടത്തിന്റെ വിവിധ വളര്‍ച്ചഘട്ട ങ്ങളെ ഓലകളില്‍ നിന്ന് നീക്കം ചെയ്യാന്‍ സാധിക്കും.
മഴ കൂടുതലുള്ള സാഹചര്യങ്ങളില്‍ നിയന്ത്രണ മാര്‍ഗങ്ങള്‍ അവലം ബിക്കാതെതന്നെ ഇവയുടെ ആക്രമണം കുറയും. തെങ്ങിലെ വളപ്ര യോഗവും ഒരു പ്രധാന കാരണമാണ്. മണ്ണ് പരിശോധന അടിസ്ഥാന ത്തില്‍ നിര്‍ദ്ദേശിച്ച തോതില്‍ മാത്രം വളങ്ങള്‍ നല്‍കാന്‍ ശ്രദ്ധിക്കു ക. ഏറ്റവും ഫലപ്രദമായ നിയന്ത്രണ മാര്‍ഗമാണ് പ്രകൃതിയിലെ മിത്രകീടങ്ങള്‍ക്ക് വളരാന്‍ അനുകൂലമായ സാഹചര്യം ഒരുക്കുന്നത്. വെള്ളീച്ചകളുടെ സമാധിഘട്ടത്തെ തിന്നു നശിപ്പിക്കുന്ന മിത്രകീട ങ്ങളായ പരാദങ്ങളാണ് എന്‍കാര്‍സിയ ജനുസ്സില്‍പെടുന്നവ. ഈ മിത്രകീടങ്ങള്‍ ആക്രമിക്കുന്ന സമാധിഘട്ടങ്ങള്‍ കറുപ്പ് നിറത്തില്‍ കാണപ്പെടുന്നു. ഇത്തരത്തില്‍ കറുപ്പ് നിറത്തില്‍ കാണപ്പെടുന്ന സമാധിഘട്ടങ്ങള്‍ ശേഖരിച്ച് വെള്ളീച്ചയുടെ ആക്രമണമുള്ള തെ ങ്ങും തോപ്പുകളില്‍ നിക്ഷേപിക്കുന്നത് മിത്രകീടങ്ങളുടെ വ്യാപ നത്തിന് വഴിയൊരുക്കുന്നു.
ഓലകളില്‍ രൂപപ്പെടുന്ന കരിംപൂപ്പലുകളെ നശിപ്പിക്കുന്നതിനായി നേര്‍പ്പിച്ച കഞ്ഞിവെള്ളം സ്‌പ്രേചെയ്യുന്നത് ഗുണകരമാണ്. കൂടാതെ കരിംപൂപ്പലുകളെ തിന്നുനശിപ്പിക്കുന്ന വണ്ടുകളും പ്രകൃതിയില്‍ കാണപ്പെടുന്നവയാണ്. കര്‍ഷകര്‍ക്ക് ഉപകാരപ്രദമായ ഈ പ്രാണിക ളെ നിലനിര്‍ത്തുന്നതിനും വളര്‍ച്ച ത്വരിതപ്പെടുത്തുന്നതിനും രാസ കീടനാശിനികളുടെ ഉപയോഗം പാടെ ഒഴിവാക്കണം. എന്നാല്‍ വെ ള്ളീച്ചകളുടെ ആക്രമണം രൂക്ഷമായാല്‍ 0.5 % വേപ്പെണ്ണ അല്ലെങ്കില്‍ 5 % വേപ്പിന്‍കുരു സത്ത് അല്ലെങ്കില്‍ വേപ്പെണ്ണ (2%) + വെളുത്തുള്ളി (2%) + അന്നജം (1%) എന്ന മിശ്രിതം ഇവയിലേതെങ്കിലും തെളിഞ്ഞ കാലാവസ്ഥയില്‍ തളിച്ച് കൊടുക്കുന്നത് അനുയോജ്യമാണെന്നും അധികൃതര്‍ അറിയിച്ചു.
