അലനല്ലൂര്‍: എടത്തനാട്ടുകര കോട്ടപ്പള്ള ടൗണില്‍ അപകട ഭീഷണി യായി റോഡിലേക്ക് ചാഞ്ഞ് കിടന്നിരുന്ന മരകൊമ്പുകള്‍ യൂത്ത് ലീഗ് വൈറ്റ് ഗാര്‍ഡ് പ്രവര്‍ത്തകര്‍ വെട്ടിമാറ്റി. യാത്രക്കാര്‍ക്കും പൊതുജനങ്ങള്‍ക്കും കച്ചവടക്കാര്‍ക്കും ഏറെ നാളുകളായി പ്രയാസം സൃഷ്ടിച്ചിരുന്ന മരകൊമ്പുകളാണ് കോട്ടപ്പള്ള ടൗണ്‍ യൂണിറ്റ് വൈറ്റ് ഗാര്‍ഡിന്റെ നേതൃത്വത്തില്‍ വെട്ടിമാറ്റിയത്. ഗ്രാമപഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ മഠത്തൊടി അലി, യൂത്ത് ലീഗ് മേഖല ട്രഷറര്‍ ഗഫൂര്‍ പാറോകോട്ട്, വൈറ്റ് ഗാര്‍ഡ് യൂണിറ്റ് ക്യാപ്റ്റന്‍ സമീര്‍ ബാബു എന്ന നാണി, കെ.ടി ജഫീര്‍, കെ.മാജിദ്, പി.ഷാഹീദ്, സി.മുഹമ്മദ് സാഹിദ്, പി.ഷാമിന്‍, ഷഫീഖ്, റഹീസ് എടത്തനാട്ടുകര എന്നിവര്‍ നേതൃത്വം നല്‍കി.
