തെങ്കര: കോവിഡ് ബാധിതര്‍ക്ക് ആശ്വാസവുമായി തെങ്കര കുടുംബ ശ്രീ സിഡിഎസ്.പഞ്ചായത്തില്‍ കോവിഡ് ബാധിതരായി കഴിയുന്ന കുടുംബങ്ങള്‍ക്ക് ഭക്ഷ്യകിറ്റ് നല്‍കിയതോടൊപ്പം മൂന്ന് പള്‍സ് ഓക്‌ സി മീറ്റര്‍ വീതം 17 വാര്‍ഡുകളിലേക്ക് 51 പള്‍സ് ഓക്‌സീ മീറ്ററും കുടുംബശ്രീ സിഡിഎസ് വിതരണം ചെയ്തു.300 ഭക്ഷ്യകിറ്റുകളാണ് നല്‍കിയത്.
ഗ്രാമ പഞ്ചായത്ത് പ്രസിഡന്റ് ഷൗക്കത്ത് ഉദ്ഘാടനം ചെയ്തു. സിഡി എസ് ചെയര്‍പേഴ്‌സണ്‍ ഉഷസ്സ് അധ്യക്ഷയായി.ബ്ലോക്ക് പഞ്ചായത്ത് അംഗം രമാസുകുമാരന്‍,പഞ്ചായത്ത് വൈസ് പ്രസിഡന്റ് ടിന്റു, സ്ഥിരം സമിതി അധ്യക്ഷരായ ജഹീഫ്,രാജിമോള്‍,മെമ്പര്‍മാരായ സിപി അലി,റഷീദ് എന്നിവര്‍ പങ്കെടുത്തു.
