മണ്ണാര്‍ക്കാട്:കിണറില്‍ വീണ പൂച്ചയെ രക്ഷപ്പെടുത്താന്‍ കിണ ലിറങ്ങി കുടുങ്ങിയ യുവാവിനെ ഫയര്‍ഫോഴ്‌സ് രക്ഷപ്പടുത്തി. കാഞ്ഞിരപ്പുഴ കാഞ്ഞിരം പുത്തന്‍വീട്ടില്‍ മണികണ്ഠന്റെ മകന്‍ അനൂപിനെയാണ് 50 അടി താഴ്ചയുള്ള കിണറ്റില്‍ നിന്നും ഫയര്‍ ഫോഴ്‌സ് രക്ഷപ്പെടുത്തിയത്.കിണറ്റില്‍ 20 അടിയോളം വെള്ളമുണ്ട്. പൂച്ച കിണറ്റില്‍ ചത്തുപോവുമോ എന്ന് കരുതിയാണ് അനൂപ് ശങ്കര്‍ കിണറ്റിലിറങ്ങി പൂച്ചയെ രക്ഷിക്കാന്‍ ശ്രമിച്ചത്. ഇതിനിടെ അനൂപ് കിണറില്‍ അകപ്പെടുകയായിരുന്നു.ഉടന്‍ അഗ്‌നിശമന സേനയെ വിവരമറിയിക്കുകയും സംഘം സ്ഥലത്തെത്തി അനൂപ് ശങ്കറെ കിണറിന് പുറത്തെത്തിക്കുകയുമായിരുന്നു.മണ്ണാര്‍ക്കാട് ഹയര്‍ അന്‍ഡ് റസ്‌ക്യൂ സ്റ്റേഷനിലെ എസ് എഫ് ആര്‍ ഒ പി.ഉമ്മര്‍, എഫ് ആര്‍ ഒ മാരായ ഡി.സന്ദീപ്, കൃഷ്ണദാസ്, രാജേഷ്, ദിനേഷ്, പ്രമോദ് എന്നിവരടങ്ങുന്ന സംഘമാണ് രക്ഷാപ്രവര്‍ത്തനം നടത്തിയത്.
