അലനല്ലൂര്‍:കെ എന്‍ എം അണയംകോട് ശാഖ അഹ്ലന്‍ റമദാന്‍ പ്രഭാഷണം നടത്തി. ‘റമളാന്‍ വന്നെത്തുമ്പോള്‍’ എന്ന വിഷയത്തില്‍ വാഗ്മിയും പണ്ഡിതനുമായ അഹ്മദ് അനസ് മൗലവി മുഖ്യ പ്രഭാഷ ണം നടത്തി. വിശ്വാസികളെ സംബന്ധിച്ചിടത്തോളം പുണ്യങ്ങളുടെ പൂക്കാലമാണ് വന്നെത്തുന്നതെന്നും അത് പരമാവധി ഉപയോഗപ്പെ ടുത്താന്‍ ശ്രദ്ധിക്കണമെന്നും അദ്ദേഹം പറഞ്ഞു. തിന്മകളില്‍ നിന്ന് വിട്ടുനിന്ന് നന്മകള്‍ കൂടുതല്‍ ചെയ്ത് സ്വര്‍ഗ്ഗത്തിലേക്ക് എത്താനുള്ള പരിശ്രമമാണ് വിശ്വാസികളുടെ ഭാഗത്തുനിന്നും ഉണ്ടാകേണ്ടത് എന്നും അദ്ദേഹം ഓര്‍മ്മിപ്പിച്ചു. ഐ എസ് എം പാലക്കാട് ജില്ലാ സെക്രട്ടറിയേറ്റ് അംഗം പി നസീര്‍ സ്വലാഹി, ഹാഫിള് ഹബീബ് റഹ്മാന്‍ പടിക്കപ്പാടം എന്നിവര്‍ സംസാരിച്ചു. കാപ്പില്‍ മൂസ ഹാജി, പാറോക്കോട്ട് മമ്മിഹാജി, കാപ്പില്‍ മുഹമ്മദ്കുഞ്ഞി ഹാജി, എ. മുഹമ്മദ് മാസ്റ്റര്‍, മാടാമ്പാറ മുഹമ്മദ് ഹാജി എന്നിവര്‍ സംബന്ധിച്ചു.
