അഗളി:മരപ്പാലത്ത് വനത്തില്‍ നിന്നും ചന്ദനം മുറിച്ച് ബൈക്കില്‍ കടത്താന്‍ ശ്രമിച്ച രണ്ട് യുവാക്കളെ വനംവകുപ്പ് പിടികൂടി. മണ്ണാര്‍ ക്കാട് ചങ്ങലീരി സ്വദേശി സൈത് അഹമ്മദ് ജിഫ്രി (22), മുക്കാലി സ്വദേശി മനു (22) എന്നിവരെയാണ് ഷോളയൂര്‍ സെക്ഷന്‍ ഫോറസ്റ്റ് ഓഫീസര്‍ സുബ്രഹ്മണ്യന്റെ നേതൃത്വത്തിലുള്ള വനപാ ലക സംഘം പിടികൂടിയത്.ഒരാള്‍ രക്ഷപ്പെട്ടു.കഴിഞ്ഞ ദിവസം രാത്രി വനപാലകര്‍ രാത്രികോല റോന്ത് ചുറ്റല്‍ നടത്തുന്നതിനിടെ യാണ് ചന്ദനക്കടത്ത് പിടികൂടിയത്.വനപാലകരെ കണ്ട് കടന്ന് കള യാന്‍ ശ്രമിച്ച പ്രതികളെ ആനക്കട്ടി ചെക്‌പോസ്റ്റില്‍ വച്ചാണ് പിടി കൂടിയത്.ബീറ്റ് ഫോറസ്റ്റ് ഓഫീസര്‍മാരായ നിതിന്‍,മധു വനംവാച്ചര്‍ ഭരതന്‍ എന്നിവരടങ്ങുന്ന സംഘമാണ് ചന്ദനക്കടത്ത് പിടികൂടിയത്. ഒരു മരത്തടി അഞ്ചു കഷ്ണങ്ങളാക്കിയാണ് കടത്താന്‍ ശ്രമിച്ചത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
