കോട്ടോപ്പാടം:കണ്ടമംഗലത്ത് പ്രാദേശിക കര്‍ഷക സംരക്ഷണ സമിതി യൂണിറ്റ് രൂപീകരിച്ചു.കണ്ടമംഗലം ക്രിസ്തുരാജ പാരിഷ് ഹാളില്‍ ചേര്‍ന്ന സമ്മേളനത്തില്‍ ഫാ സജി പനപ്പറമ്പില്‍ അധ്യ ക്ഷത വഹിച്ചു.അഡ്വ.ബോബി പൂവത്തുങ്കല്‍ വിഷയാവതരണം നടത്തി.സണ്ണി കിഴക്കേക്കര സംസാരിച്ചു.നിയുക്ത പഞ്ചായത്ത് മെമ്പര്‍ നിജോ വര്‍ഗീസ് സ്വാഗതവും,സോണി പി ജോര്‍ജ് നന്ദിയും പറഞ്ഞു.സൈലന്റ് വാലി ദേശീയോദ്യാനത്തിന് ചുറ്റും കേന്ദ്ര വനപരിസ്ഥിതി മന്ത്രാലയം ഏര്‍പ്പെടുത്തിയ പരിസ്ഥിതിലോല പ്രദേശത്തിനെതിരെ യോഗം ആശങ്ക രേഖപ്പെടുത്തി.
സമിതി ഭാരവാഹികളായി സോണി പി ജോര്‍ജ് (പ്രസിഡന്റ് ), കെവി എബ്രഹാം (വൈസ് പ്രസിഡന്റ് ),അബ്ദുള്‍ സമദ് (സെക്രട്ടറി ),സോജി മാത്യു (ജോയിന്റ് സെക്രട്ടറി ),ഹുസ്സൈന്‍ അയ്നെല്ലി (ട്രഷറര്‍),ലാലു ജോര്‍ജ് ,എകെ ജോയ് എന്നിവരെ എക്‌സിക്യൂട്ടീവ് അംഗങ്ങളായും തിരഞ്ഞെടുത്തു.