പാലക്കാട് :ഐ.ഐ.ടിയില്‍ എം.ടെക് കോഴ്സിന് (മാനുഫാക്ച്ചറിംഗ് ആന്റ് മെറ്റീരിയല്‍സ് എഞ്ചിനീയറിംഗ്) പ്രവേശനം ലഭിച്ച അട്ട പ്പാടി കല്‍ക്കണ്ടിയൂര്‍ സ്വദേശി എം. കൃഷ്ണദാസിനെ ജില്ലാ പട്ടിക വര്‍ഗ്ഗ വികസന ഓഫീസ് അനുമോദിച്ചു. അഞ്ച്മുതല്‍ പ്ലസ്ടുവരെ കൃഷ്ണദാസ് ജില്ലാ പട്ടികവര്‍ഗ്ഗ വികസന ഓഫീസ് പരിധിയിലുള്ള പട്ടഞ്ചേരി പ്രീമെട്രിക് ഹോസ്റ്റലിലാണ് താമസിച്ച് പഠിച്ചിരുന്നത്. എഞ്ചിനീയറിംഗ് ബിരുദത്തിന് ശേഷം 2018-19 കാലയളവില്‍ ഗേറ്റ് പരീക്ഷാ പരിശീലനത്തിനായി പ്രത്യേക അനുമതിയോടെ ഇതേ ഹോസ്റ്റലിലാണ് താമസിച്ചിരുന്നത്. ജില്ലാ പട്ടികവര്‍ഗ്ഗ വികസന ഓഫീസര്‍ എം. മല്ലിക കൃഷ്ണദാസിന് ഉപഹാരവും പഠന സഹായി യും സമ്മാനിച്ചു.