കാഞ്ഞിരപ്പുഴ: കാഞ്ഞിരത്തെ ബവ്‌റിജസ് ഔട്ട് ലെറ്റില്‍ നിന്ന് വാങ്ങിയ അന്‍പത് ലിറ്റര്‍ മദ്യവുമായി നാല് യുവാക്കളെ മണ്ണാര്‍ക്കാട് പോലീസ് പിടികൂടി.ആണ്ടിപ്പാടം സ്വദേശികളായ കാപ്പുമുഖത്ത് മുഹമ്മദ് ഫൈസല്‍ (33),കാപ്പുമുഖത്ത് ഫലാല്‍ (33),ആണ്ടിപ്പാടം സജിന്‍ (33), വടക്കുമണ്ണം കൊളത്തൊടിയന്‍ അബ്ദുറഹ്മാന്‍ (33) എന്നിവരാണ് പിടിയിലായത്.മണ്ണാര്‍ക്കാട് പൊലീസ് അറസ്റ്റ് ചെയ്തത്. മണ്ണാര്‍ക്കാട് ഇന്‍സ്‌പെക്ടര്‍ എം.കെ.സജീവീനു ലഭിച്ച വിവരത്തെ തുടര്‍ന്ന് എസ്‌ഐ രാമചന്ദ്രന്‍, സിപിഒമാരായ ഷാഫി, റമീസ്, അമ്പിളി, ഷിബു എന്നിവരടങ്ങുന്ന സംഘമാണ് പിടികൂടിയത്.മദ്യം കടത്താന്‍ ഉപയോഗിച്ച ഓട്ടോ റിക്ഷ കസ്റ്റഡിയിലെടുത്തു.