തെങ്കര:പെട്രോള്‍ ഡീസല്‍ വിലവര്‍ദ്ധനവില്‍ പ്രതിഷേധിച്ച് തെങ്കര മണ്ഡലം യൂത്ത് കോണ്‍ഗ്രസ്സ് കമ്മിറ്റിയുടെ നേതൃത്വത്തില്‍ പുഞ്ച ക്കോട് പെട്രോള്‍ പമ്പ് ഉപരോധിച്ചു. യൂത്ത് കോണ്‍ഗ്രസ്സ് നിയോജ കമണ്ഡലം യൂത്ത് കോണ്‍ഗ്രസ്സ് പ്രസിഡണ്ട് ഗിരീഷ് ഗുപ്ത ഉദ്ഘാടനം ചെയ്തു.ഇന്ധനവില വര്‍ദ്ധനവിനെതിരെ രാജ്യത്ത് ദിനം പ്രതി സമര ങ്ങള്‍ നടക്കുമ്പോള്‍ എല്ലാ ദിവസവും വില ഉയരുന്ന സാഹചര്യം ജന ജീവിതത്തെ ദുസ്സഹമാക്കൂകയാണെന്നും,നിത്യോപയോഗ സാധന ങ്ങളുടെ വിലകയറ്റമാണ് ഇതിലൂടെ ഉണ്ടാകുന്നതെന്നും ഗിരീഷ് ഗുപ്ത പറഞ്ഞു.തെങ്കര മണ്ഡലം പ്രസിഡണ്ട് ഹാരിസ് തത്തേങ്ങലം അദ്ധ്യക്ഷനായി.മുന്‍ മണ്ഡലം കോണ്‍ഗ്രസ്സ് പ്രസിഡണ്ട് വട്ടോടി വേണുഗോപാല്‍ മുഖ്യപ്രഭാഷണം നടത്തി.മണ്ഡലം കോണ്‍ഗ്രസ്സ് സെക്രട്ടറി ടി.കെ ഉമ്മര്‍,സാം കൈതച്ചിറ,നൂറുദ്ദീന്‍,ഹമീദ്,ഗംഗ ചേറുംകുളം,ജസീല്‍ കോല്‍പ്പാടം,മജീദ് പുഞ്ചക്കോട് എന്നിവര്‍ സംസാരിച്ചു.
