പൊതുജനങ്ങള് പരിഭ്രാന്തരാകേണ്ട സാഹചര്യമില്ല
തിരുവനന്തപുരം: ആഫ്രിക്കന് രാജ്യങ്ങളിലെ എബോള സാഹചര്യം കണക്കിലെടുത്ത് ലോകാ രോഗ്യ സംഘടന ആഗോള പബ്ലിക് ഹെല്ത്ത് എമര്ജന്സി പ്രഖ്യാപിച്ച സാഹചര്യത്തില് സം സ്ഥാന ദ്രുതകര്മ്മ സമിതി യോഗം ചേര്ന്നു. ഇന്ത്യയില് നിലവില് എബോള രോഗം റിപ്പോര്ട്ട് ചെയ്തിട്ടില്ലെങ്കിലും മുന്നൊരുക്കങ്ങളുടെ ഭാഗമായാണ് ആരോഗ്യവകുപ്പ് മന്ത്രി കെ.മുരളീധരന്റെ അധ്യക്ഷതയില് യോഗം ചേര്ന്നത്. പൊതുജനങ്ങള് പരിഭ്രാന്തരാകേണ്ട സാഹചര്യമില്ലെന്ന് യോഗം വിലയിരുത്തി.
എബോള ബാധിത രാജ്യങ്ങളായ ഡെമോക്രാറ്റിക് റിപബ്ലിക് ഓഫ് കോംഗോ, ഉഗാണ്ട, സൗത്ത് സുഡാന് എന്നിവിടങ്ങളില് നിന്നുള്ള യാത്രക്കാര് പ്രത്യേക മാര്ഗനിര്ദ്ദേശങ്ങള് പാലിക്കണം. യാത്രക്കാര്ക്ക് രോഗ ലക്ഷണങ്ങളായ പനി, ക്ഷീണം, തലവേദന, പേശീവേദന, ഛര്ദ്ദി, വയറി ളക്കം, തൊണ്ടവേദന, രക്തസ്രാവം എന്നിവയുണ്ടെങ്കില് എയര്പോര്ട്ടിലെ ആരോഗ്യവിഭാഗ ത്തില് റിപ്പോര്ട്ട് ചെയ്യണം. എബോള സ്ഥിരീകരിച്ചതോ സംശയിക്കുന്നതോ ആയ ആളുകളുമാ യി നേരിട്ട് സമ്പര്ക്കത്തിലുണ്ടായിരുന്നവരും റിപ്പോര്ട്ട് ചെയ്യണം. ലോകാരോഗ്യ സംഘടനയും കേന്ദ്ര സര്ക്കാരും നിര്ദ്ദേശിക്കുന്ന രാജ്യങ്ങളില് നിന്നു എത്തുന്നവര്ക്ക് 21 ദിവസം വരെയുള്ള നിരീക്ഷണ സംവിധാനം ആരോഗ്യവകുപ്പ് സജ്ജമാക്കുന്നതാണ്.
കേരളത്തിലെ നാല് അന്താരാഷ്ട്ര വിമാനത്താവളങ്ങളിലും, രണ്ട് തുറമുഖങ്ങളിലും എത്തുന്ന യാത്രക്കാരുടെ പരിശോധനയും ആവശ്യമായവര്ക്ക് ഐസൊലേഷന് സൗകര്യത്തോടുകൂടി യുള്ള കൂടിയുള്ള തീവ്രപരിചരണ സംവിധാനങ്ങളും ക്രമീകരിച്ചിട്ടുണ്ട്. കേന്ദ്ര സര്ക്കാര് നല് കിയിട്ടുള്ള മാര്ഗ്ഗനിര്ദ്ദേശങ്ങള്ക്കനുസരിച്ച് വിമാനത്താവളങ്ങളിലെയും തുറമുഖങ്ങളിലെ യും ആരോഗ്യ വിഭാഗവും, സംസ്ഥാന സര്ക്കാരിന്റെ ജില്ലാ രോഗനിരീക്ഷണ വിഭാഗവും മെഡിക്കല് കോളേജുകളും ചേര്ന്ന് പ്രവര്ത്തനങ്ങള് ഏകോപിപ്പിക്കുന്നതാണ്.പ്രസ്തുത സ്ഥാപനങ്ങളിലെ ജീവനക്കാര്ക്ക് അണുബാധ നിയന്ത്രണം, പി.പി.ഇ കിറ്റുകളുടെ ഉപയോഗം, ചികിത്സാ പ്രോട്ടോ ക്കോളുകള്, രോഗികളുടെ തീവ്രപരിചാരണം എന്നിവയില് പരിശീലനം ഉറപ്പുവരുത്താന് മന്ത്രി നിര്ദ്ദേശിച്ചു.
ആരോഗ്യ വകുപ്പ് അഡിഷണല് ചീഫ് സെക്രട്ടറി ഡോ. രാജന് ഖോബ്രഗഡേ, ദേശീയാരോഗ്യ ദൗത്യം സംസ്ഥാന ഡയറക്ടര് രാഹുല് കൃഷണ ശര്മ, ആയുഷ് മിഷന് ഡയറക്ടര് ഡോ. സജി ത്കുമാര്, ആരോഗ്യ വകുപ്പ് ഡയറക്ടര് ഡോ. കെ. ജെ റീന, മെഡിക്കല് വിദ്യാഭ്യാസ ഡയറക്ടര് ഡോ. വിശ്വനാഥന്, ആയുഷ് വകുപ്പ് മേധാവിമാര്, ഭക്ഷ്യ സുരക്ഷാ വകുപ്പ് മേധാവി, ആരോഗ്യ-പൊതുജനാരോഗ്യ വിദഗ്ധര് തുടങ്ങിയവര് യോഗത്തില് പങ്കെടുത്തു.
About the Author
