മണ്ണാര്ക്കാട് : സംസ്ഥാന ബാലാവകാശ സംരക്ഷണ കമ്മിഷന് കുട്ടികള്ക്കായി റേഡി യോ നെല്ലിക്ക എന്ന പേരില് ജൂണ് 18ന് ഇന്റര്നെറ്റ് റേഡിയോ ആരംഭിക്കുന്നു. റേഡി യോയുടെ ഉദ്ഘാടനം രാവിലെ 11ന് മുഖ്യമന്ത്രി പിണറായി വിജയന് അദ്ദേഹത്തിന്റെ ചേംബറില് നിര്വ്വഹിക്കും. ബാലസൗഹൃദം യാഥാര്ത്ഥ്യമാക്കുക, ബാലാവകാശ സാ ക്ഷരത ഉറപ്പാക്കുക എന്നീ ലക്ഷ്യങ്ങള് മുന്നിര്ത്തി സംഘടിപ്പിക്കുന്ന വ്യാപക പ്രചാ രണ-ബോധവത്കരണ പരിപാടികളുടെ ഭാഗമായാണ് ഈ പദ്ധതി.
കുട്ടികള്ക്കിടയിലെ മാനസിക സംഘര്ഷങ്ങള്, ലഹരി – സൈബര് ഇടങ്ങളിലെ ചതിക്കുഴികള്, ആത്മഹത്യ, സോഷ്യല് മീഡിയ അഡിക്ഷന് തുടങ്ങിയവ വര്ദ്ധി ച്ചുവരുന്ന സാഹചര്യം പരിഗണിച്ചാണ് കമ്മിഷന് പദ്ധതി നടപ്പാക്കുന്നത്. വിദ്യാര്ഥി അധ്യാപക – രക്ഷാകര്തൃ സമൂഹത്തില് ബാലനീതി, പോക്സോ, സൗജന്യവും നിര് ബന്ധിതവുമായ വിദ്യാഭ്യാസ അവകാശം എന്നിവ സംബന്ധിച്ച അവബോധം വളര്ത്തുന്നതിനും റേഡിയോ ലക്ഷ്യമിടുന്നു.
ലോകത്ത് എവിടെനിന്നും 24 മണിക്കൂറും കേള്ക്കാന് സാധിക്കുന്നതരത്തിലാണ് റേഡിയോയുടെ രൂപകല്പന. തുടക്കത്തില് നാലു മണിക്കൂര് പ്രോഗ്രാമാകും ഉണ്ടാവുക. തിങ്കള് മുതല് വെള്ളി വരെ പുതുമയാര്ന്നതും വ്യത്യസ്തവുമായ പരിപാടികളാണ്. ശനിയും ഞായറും പ്രോഗ്രാം ആവര്ത്തിക്കും. ശ്രോതാവിന് ഇഷ്ടമുള്ള സമയത്തും ദിവസവും നെല്ലിക്കയിലെ പരിപാടികള് തിരഞ്ഞെടുത്ത് കേള്ക്കാം. പരസ്യങ്ങള് ഇല്ലാതെ വിജ്ഞാനവും വിനോദവും പ്രദാനം ചെയ്യുന്നതാണ് റേഡിയോയിലെ പൊതു ഉള്ളടക്കം.
രാവിലെ ഏഴു മുതല് എട്ടു മണിവരെയുള്ള റൈറ്റ് ടേണ് പരിപാടി കുട്ടികളുടെ അവ കാശ നിയമങ്ങളുമായി ബന്ധപ്പെടുത്തിയുള്ളതാണ്. ഈ പരിപാടി വൈകിട്ട് നാലു മുതല് അഞ്ചു വരെ വീണ്ടും കേള്ക്കാനാകും. എട്ടു മുതല് ഒന്പത് വരെ ഇമ്മിണി ബല്യ കാര്യം എന്ന ഫോണിന് പരിപാടിയാണ്. വൈകിട്ട് അഞ്ചു മുതല് ആറു വരെ വീണ്ടും ശ്രവിക്കാം.
ഉച്ചക്ക് പന്ത്രണ്ട് മുതല് ഒന്നു വരെ കുട്ടികളും രക്ഷിതാക്കളും അധ്യാപകരും സംശയ ങ്ങളും അനുഭവ കഥകളും കത്തുകളിലൂടെ പങ്കുവെക്കുന്ന ആകാശദൂത് പരിപാടിയാ ണ്. രാത്രി എട്ടു മുതല് ഒന്പതു വരെ വീണ്ടും കേള്ക്കാം. ഒന്നു മുതല് രണ്ടു മണി വരെ യുള്ള റേഡിയോ ചാറ്റ് പ്രോഗ്രാമായ അങ്കിള് ബോസ് രാത്രി ഒന്പതു മുതല് പത്തു വരെ വീണ്ടും കേള്ക്കാനാകും.
തുടക്കത്തില് കേരളത്തിലെ 25 ലക്ഷം കുടുംബങ്ങളെ റേഡിയോ നെല്ലിക്കയുടെ ശ്രോ താക്കളാക്കാനാണ് ബാലാവകാശ കമ്മിഷന് ലക്ഷ്യമിടുന്നത്. സംസ്ഥാനത്തെ 15397 സ് കൂളുകളിലെയും വിദ്യാര്ത്ഥികള്, അധ്യാപകര്, പിറ്റി.എ എസ്.പി.സി, എന്.എസ്.എസ്, സ്കൂള് ക്ലബുകള് എന്നിവയിലൂടെയാണ് കുട്ടികളില് റേഡിയോ എത്തുക. അതുപോ ലെ കുടുബശ്രീയുടെ 29202 ബാലസഭകളും വനിതാ ശിശുവികസന വകുപ്പിനുകീഴിലു ള്ള 33120 അങ്കണവാടികളിലെ അധ്യാപകരും രക്ഷിതാക്കളും ജില്ലകളിലെ 464 ശിശു സംരക്ഷണ സ്ഥാപനങ്ങളിലും റേഡിയോ നെല്ലിക്ക എത്തും. കൂടാതെ 1200 ഗ്രാമ-ബ്ലോ ക്ക്-ജില്ലാ-മുനിസിപ്പല്-കോര്പ്പറേഷനുകളിലെ 21900 വാര്ഡുകളിലും എന്.ജി.ഒകള്, റസിഡന്സ് അസോസിയേഷനുകള് തുടങ്ങി സമൂഹത്തില് മുഴുവനായും ബാലാവകാ ശ സാക്ഷരത എത്തിക്കാന് റേഡിയോയിലൂടെ കഴിയുമെന്ന് കമ്മിഷന് കരുതുന്നു. ഇതിനായി വനിതാശിശു വികസനം, വിദ്യാഭ്യാസം, തദ്ദേശ സ്വയംഭരണം, പട്ടികജാതി – പട്ടികവര്ഗ വികസനം, പോലീസ്, എക്സൈസ് തുടങ്ങിയ വകുപ്പുകളുടെ സഹകര ണവും പ്രവര്ത്തനങ്ങളുമാണ് കമ്മിഷന് നടത്തിവരുന്നത്.
ആന്ഡ്രോയ്ഡ് ഫോണില് പ്ലേസ്റ്റോറില് നിന്നും ഐഒഎസില് ആപ്സ്റ്റോറില് നിന്നും റേഡിയോ നെല്ലിക്ക ഡൗണ്ലോഡ് ചെയ്യാം. കമ്പ്യൂട്ടറില് radionellikka.com ലൂടെയും കാറില് ഓക്സ് കേബിള് ബ്ലൂടൂത്ത് എന്നിവയിലൂടെയും റേഡിയോ ശ്രവിക്കാം. കുട്ടിക്കാ ല ഓര്മകള്, അനുഭവങ്ങള്, സ്കൂള് ജീവിതം, സന്തോഷങ്ങള്, പ്രയാസങ്ങള് തുടങ്ങി യവ ആകാശദൂത് പരിപാടിയിലേക്ക് ഇ-മെയിലായും (radionellikka@gmail.com) വാട്ട്സാപ്പ് മുഖേനെയും അറിയിക്കാം. ഇമ്മിണി ബല്യകാര്യം, അങ്കിള് ബോസ് പരിപാടികളി ലേക്ക് 9993338602 ഫോണ് നമ്പറില് ബന്ധപ്പെടാം.
About the Author
