പാലക്കാട് : അങ്കണവാടികളില് എത്തിച്ചേരാന് കഴിയാത്ത ജില്ലയിലെ ഗോത്രവര്ഗ്ഗ ഉന്നതികളില് നിന്നുള്ള കുട്ടികള്ക്ക് പോഷകാഹാരം നേരിട്ട് എത്തിക്കണമെന്ന് ഭക്ഷ്യ സുരക്ഷാ കമ്മീഷന് ചെയര്പേഴ്സണ് ഡോ. ജിനു സഖറിയ ഉമ്മന്. സ്കൂളുകളില് ബാക്കി വരുന്ന ഉച്ചഭക്ഷണ അരി അര്ഹരായ കുട്ടികള്ക്ക് സ്പെഷ്യല് അരിയായി വിതരണം ചെയ്യുന്ന കാര്യം സര്ക്കാറിന്റെ ശ്രദ്ധയില്പെടുത്തുമെന്നും കമ്മീഷന് അറിയിച്ചു. ഭക്ഷ്യ ഭദ്രതാ നിയമം 2013 ന്റെ പരിധിയില് വരുന്ന വിവിധ വകുപ്പുകള് നടപ്പിലാക്കി വരുന്ന പദ്ധതികളുടെ നിര്വ്വഹണ പുരോഗതി വിലയിരുത്തുന്നതിനായി കളക്ടറേറ്റ് കോണ്ഫ്രന്സ് ഹാളില് ചേര്ന്ന യോഗത്തില് സംസാരിക്കുകയായിരുന്നു അദ്ദേഹം.
ജില്ലയിലെ എല്ലാ വിഭാഗം ആളുകള്ക്കും പ്രത്യേകിച്ച് ഗോത്ര വിഭാഗക്കാര്ക്കും അര്ഹ മായ എല്ലാ ഭക്ഷ്യവസ്തുക്കളും റേഷന് കടകളിലൂടെയും അങ്കണവാടികളിലൂടെയും ലഭിക്കുന്നു എന്ന് ഉറപ്പ് വരുത്താന് സിവില് സപ്ലൈസ്, പട്ടിക വര്ഗ്ഗ, മാതൃ ശിശു സംര ക്ഷണ വകുപ്പുകള്ക്ക് കമ്മീഷന് നിര്ദേശം നല്കി എ.ഡി.എം മണികണ്ഠന് അധ്യക്ഷ നായി. സംസ്ഥാന ഭക്ഷ്യ കമ്മീഷന് മെമ്പര് സെക്രട്ടറി, സീനിയര് സൂപ്രണ്ട്, ജില്ലയിലെ വനിതാ ശിശുവികസനം, പൊതുവിതരണം, പട്ടിക വര്ഗ്ഗം, വിദ്യാഭ്യാസം തുടങ്ങിയ വകുപ്പുകളിലെ ജില്ലാ തല ഉദ്രോഗസ്ഥര് തുടങ്ങിയവര് പങ്കെടുത്തു.
തുടര്ന്ന് സ്കൂളിലെ ഉച്ചഭക്ഷണ പദ്ധതിയുടെ നിര്വ്വഹണ പുരോഗതി നേരില് കണ്ട് വിലയിരുത്തുന്നതിനായി പാലക്കാട് ടൗണിലെ പാറക്കുന്ന് ഗവ.എല്.പി.എസില് കമ്മീ ഷന് സന്ദര്ശനം നടത്തി. സ്കൂളിലെ അടുക്കള ചിട്ടയോടെ കൈകാര്യം ചെയ്യുന്നതില് ബന്ധപ്പെട്ടവര്ക്ക് പിഴവ് സംഭവിച്ചതായും കമ്മീഷന് വിലയിരുത്തി. ശുചിത്വം പാലിച്ചു കൊണ്ട് ഭക്ഷണം പാകം ചെയ്യുന്നതിനും നിലവിലുളള പോരായ്മകള് പരിഹരിക്കുന്നതി നും സ്കൂള് അധികൃതര്ക്ക് കമ്മീഷന് കര്ശന നിര്ദ്ദേശം നല്കി.
ഗോത്ര വര്ഗ മേഖലകളില് സന്ദര്ശനം നാളെ മുതല്
ദേശീയ ഭക്ഷ്യ ഭദ്രതാ നിയമം 2013 ന്റെ നടത്തിപ്പ് വിലയിരുത്തുന്നതിനായി സംസ്ഥാന ഭക്ഷ്യ കമ്മീഷന് നാളെ മുതല് മൂന്നു ദിവസം ജില്ലയിലെ വിവിധ ഗോത്ര വര്ഗ മേഖല കളില് സന്ദര്ശനം നടത്തും. കമ്മീഷന് ചെയര്പേഴ്സണ് ഡോ.ജിനു സഖറിയ ഉമ്മന്റെ നേതൃത്വത്തിലുള്ള ഉദ്യോഗസ്ഥ സംഘമാണ് സന്ദര്ശനം നടത്തുക. കൊല്ലങ്കോട് റേഞ്ചി ലെ ഗോത്ര വര്ഗ മേഖലയില് ഉള്പ്പെട്ട ആലിമൂപ്പന്, 30 ഏക്കര്, കച്ചിത്തോട്, ഉവമ്പടി ഉന്നതികളിലാണ് ഇന്ന് സന്ദര്ശനം നടത്തുക. മറ്റന്നാള് (ഫെബ്രുവരി 20) മണ്ണാര്ക്കാട് റേഞ്ചിലെ ഗോത്രവര്ഗ മേഖലയില് ഉള്പ്പെട്ട മുത്തിക്കുളം, സിങ്കപ്പാറ ഉന്നതികളിലും ഫെബ്രുവരി 21 ന് ഒലവക്കോട്, വാളയാര് റേഞ്ചിലെ ഗോത്രവര്ഗ മേഖലയില് ഉള്പ്പെട്ട അകമലവാരം, പറചാത്തി, അടുപ്പ്, പാട്ടറോഡ്, കൊല്ലംകുന്ന്, എലിവാല്, അയ്യപ്പന്കോ ട്ട, മാട്ടുപ്പെട്ടി, കൊഞ്ചിക്കോട്, മുത്തിരാംകുന്ന് തുടങ്ങിയ ഉന്നതികളിലും സംഘം സന്ദര്ശനം നടത്തും.
About the Author
