മണ്ണാര്‍ക്കാട് : കാലിക്കറ്റ് യൂണിവേഴ്‌സിറ്റി കരാട്ടെ മത്സരത്തില്‍ പുരുഷ-വനിതാ വിഭാഗങ്ങളില്‍ മണ്ണാര്‍ക്കാട് എം.ഇ.എസ്. കല്ലടി കോളജിന് കിരീടം. പുരുഷ വിഭാഗ ത്തില്‍ സഹൃദയ കോളജ് രണ്ടാം സ്ഥാനവും എസ്.എന്‍. നാട്ടിക മൂന്നാം സ്ഥാനവും കരസ്ഥമാക്കി. വനിതാ വിഭാഗത്തില്‍ ക്രൈസ്റ്റ് കോളജ് രണ്ടാം സ്ഥാനവും, എം.ഡി. കോളജ് പഴഞ്ഞി മൂന്നാം സ്ഥാനവും കരസ്ഥമാക്കി. വനിതാ വിഭാഗത്തില്‍ എം.ഇ.എസ്. കല്ലടി കോളജിനു വേണ്ടി പി.പി ഫര്‍ഷാന, സ്റ്റെസി ചെരുവില്‍, ഐശ്വര്യ, അശ്വതി എന്നിവരും പുരുഷ വിഭാഗത്തില്‍ അനന്തു മനോഹര്‍, സഹല്‍, സി.എസ് മിഥുന്‍, ആദിത്യന്‍ വിനോദ്, അഭിഷേക്, ശബരിനാഥ് എന്നിവരാണ് സ്വര്‍ണ മെഡല്‍ നേടിയത്. കല്ലടി കോളജില്‍ വെച്ചാണ് മത്സരം നടന്നത്. വിജയികള്‍ക്ക് എന്‍.ഷംസുദ്ദീന്‍ എം.എല്‍. എ. സമ്മാനങ്ങള്‍ വിതരണം ചെയ്തു. പ്രിന്‍സിപ്പല്‍ ഡോ.സി രാജേഷ്, പി.ടി.എ. വൈസ് പ്രസിഡന്റ് ബഷീര്‍ ചോലക്കല്‍, കായിക അധ്യാപക സംഘടന സെക്രട്ടറി ഡോ. ദിനി ല്‍, കായികാധ്യാപകരായ ഒ.എ മൊയ്തീന്‍, ഡോ.സലീജ്, സുഫൈല്‍,കോളേജ് യൂണിയന്‍ ചെയര്‍മാന്‍ കെ.എ സൈനുല്‍ ആബിദ്, അസീസ് പൂക്കോടന്‍ തുടങ്ങിയവര്‍ പങ്കെടു ത്തു.
