മണ്ണാര്‍ക്കാട് : തെങ്കര കൈതച്ചിറയില്‍ ആള്‍മറയില്ലാത്ത കിണറില്‍ വീണ പശുവിനെ നാട്ടുകാരും അഗ്നിരക്ഷാസേനയും ചേര്‍ന്ന് പുറത്തെടുത്തു. മുക്കാട് ചോലയില്‍ ചന്ദ്ര ന്റെ പശുവാണ് വീടിന് സമീപത്തെ പറമ്പിലെ ഉപയോഗശൂന്യമായ കിണറില്‍ വീണത്. ഇന്ന് ഉച്ചതിരിഞ്ഞ് മൂന്നരയോടെയായിരുന്നു സംഭവം. ചന്ദ്രന്റെ ഭാര്യ കാഞ്ചന പശുവി നെ തീറ്റാനായി കൊണ്ടുപോകുന്നതിനിടെ അബദ്ധത്തില്‍ പശുകിണറില്‍ വീഴുകയാ യിരുന്നു. ഈസമയം പശു വെള്ളത്തിലേക്ക് താഴ്ന്നുപോകാതിരിക്കാന്‍ കാഞ്ചനയും നാട്ടുകാരുമെല്ലാം ചേര്‍ന്ന് നടത്തിയ ശ്രമങ്ങള്‍ പശുവിന്റെ ജീവന് രക്ഷയായി. വിവര മറിയിച്ചപ്രകാരം അഗ്നിരക്ഷാ സേന അംഗങ്ങളെത്തി നാട്ടുകാരുടെ സഹായത്തോടെ വടം ഉപയോഗിച്ച് പശുവിനെ കിണറില്‍ നിന്നും പുറത്തെടുക്കുകയായിരുന്നു. കാര്യമാ യ പരിക്കുകളില്ലെങ്കിലും പശുവിന്റെ ദേഹത്തും മറ്റും മുറിവുകളേറ്റിട്ടുണ്ട്. വാര്‍ഡ് മെ മ്പര്‍ സി.പി മുഹമ്മദ് അലി സ്ഥലത്തെത്തിയിരുന്നു. സീനിയര്‍ ഫയര്‍ ആന്‍ഡ് റെസ്‌ക്യു ഓഫിസര്‍ ഇ.എം ഷിന്റു, ഫയര്‍ ആന്‍ഡ് റെസ്‌ക്യു ഓഫിസര്‍മാരായ വി.സജു, സി. റിജേഷ്, കെ.അഖില്‍, ഷെരീഫ് തുടങ്ങിയവര്‍ നേതൃത്വം നല്‍കി.
